Hunt Review: రివ్యూ: హంట్
సుధీర్బాబు, శ్రీకాంత్, భరత్ కలిసి నటించిన యాక్షన్ చిత్రం ‘హంట్’. గురువారం విడుదలైన ఈ సినిమా ఎలా ఉందంటే?
Hunt Review చిత్రం: హంట్; నటీనటులు: సుధీర్బాబు, శ్రీకాంత్, భరత్, కబీర్ సింగ్, చిత్రా శుక్ల, మైమ్ గోపీ, గోపరాజు రమణ, మంజుల ఘట్టమనేని, రవి వర్మ తదితరులు; యాక్షన్: రేనాడ్, బ్రయాన్ విజియర్; సంగీతం: జిబ్రాన్; ఛాయాగ్రహణం: అరుళ్ విన్సెంట్; దర్శకత్వం: మహేష్; నిర్మాత: వి.ఆనంద్ ప్రసాద్; విడుదల తేదీ: 26-01-2023.
జయాపజయాలతో సంబంధం లేకుండా వైవిధ్యభరితమైన కథలతో సినీ ప్రియుల్ని మెప్పించే ప్రయత్నం చేస్తున్నారు కథానాయకుడు సుధీర్బాబు (Sudheer Babu). కానీ, కొన్నాళ్లుగా ఆయన కష్టానికి తగ్గ ఫలితాన్ని అందుకోలేకపోతున్నారు. ఈ నేపథ్యంలోనే తనకు సరిగ్గా సరిపోయే ఓ యాక్షన్ కథను ఎంచుకొని ‘హంట్’తో ప్రేక్షకుల ముందుకొచ్చారాయన. మహేష్ తెరకెక్కించిన చిత్రమిది. శ్రీకాంత్, ‘ప్రేమిస్తే’ భరత్ వంటి వారు కీలక పాత్రలు పోషించడం.. ప్రచార చిత్రాలు సరికొత్త యాక్షన్ సీక్వెన్స్లతో ఆసక్తికరంగా ఉండటంతో సినీ అభిమానుల దృష్టి ‘హంట్’పై పడింది. మరి, ఈ సినిమా కథేంటి? అది ప్రేక్షకులకు ఎలాంటి అనుభూతి అందించింది? తెలుసుకుందాం పదండి (Hunt Review)..
కథేంటంటే: అర్జున్ అలియాస్ అర్జున్ ప్రసాద్ (సుధీర్బాబు) అసిస్టెంట్ కమిషనర్ ఆఫ్ పోలీస్. సైబరాబాద్ క్రైమ్ బ్రాంచ్లో విధులు నిర్వర్తిస్తుంటారు. ఓ రోడ్డు ప్రమాదం వల్ల గతం మర్చిపోతాడు. ఆ ప్రమాదం జరగడానికి ముందు తన మిత్రుడు, తోటి ఐపీఎస్ ఆఫీసర్ ఆర్యన్ దేవ్ (భరత్) హత్య కేసును డీల్ చేస్తాడు. ఆ హత్యకు కారకులైన వారిని కనిపెట్టినట్టు పోలీస్ కమిషనర్ మోహన్ భార్గవ్ (శ్రీకాంత్)కు ఫోన్లో చెబుతుండగానే ప్రమాదానికి గురవుతాడు. కానీ, ఆ తర్వాత గతం మర్చిపోవడంతో ఆ కేసును మళ్లీ కొత్తగా ఇన్వెస్టిగేట్ చేయాల్సి వస్తుంది. అసలు తనెవరో తనకే తెలియని అర్జున్.. తన గత జీవితం గురించి తెలుసుకుంటూ మరోవైపు ఆర్యన్ హత్య కేసును ఛేదించే ప్రయత్నం చేస్తాడు. ఈ క్రమంలో అతనికి ఎలాంటి సవాళ్లు ఎదురయ్యాయి? అసలు అర్జున్ గతమేంటి? అతనికి, ఆర్యన్కు మధ్య ఉన్న స్నేహ బంధం ఎలాంటిది? ఆర్యన్ దేవ్ హత్య కేసుకు క్రిమినల్ రాయ్ (మైమ్ గోపీ), కల్నల్ విక్రమ్ (కబీర్ సింగ్), టెర్రరిస్ట్ గ్రూప్ హర్కతుల్కు ఉన్న సంబంధం ఏంటి? ఆర్యన్ను చంపిన వాళ్లను అర్జున్ ఎలా కనిపెట్టాడు? ఆఖర్లో ఆయన ఇచ్చిన షాక్ ఏంటి? అన్నవి తెరపై చూసి తెలుసుకోవాలి (Hunt Review).
ఎలా సాగిందంటే: ప్రచార కార్యక్రమాల్లో సుధీర్ ఈ సినిమాని ఓ సాహసోపేతమైన ప్రయత్నంగా అభివర్ణించారు. ఆయనెందుకు ఆ మాట అన్నారన్నది క్లైమాక్స్ చూస్తే అర్థమవుతుంది. నిజంగా తను ఇలాంటి పాత్రను అంగీకరించినందుకు ఆయన్ను మెచ్చుకుని తీరాల్సిందే. కానీ, తనేదైతే క్లైమాక్స్ ట్విస్ట్ను నమ్మి ఈ సినిమా కోసం రంగంలోకి దిగారో.. దానికి సరైన ఫలితం దక్కలేదనిపిస్తుంది. దీనికి దర్శకుడు ఆసక్తికరంగా కథను తీర్చిదిద్దుకోకపోవడమే కారణం. మలయాళంలో విజయవంతమైన ‘ముంబయి పోలీస్’కు రీమేక్గా రూపొందిన చిత్రమిది. గతం మర్చిపోయిన ఓ పోలీస్ అధికారి.. తన గతాన్ని తెలుసుకుంటూ ఓ కీలక హత్య కేసును ఎలా ఛేదించాడన్నదే క్లుప్తంగా ఈ చిత్ర కథాంశం. దర్శకుడు సినిమాని ఆరంభించిన తీరు.. చకచకా కథలోకి తీసుకెళ్లిన విధానం చూస్తే ప్రేక్షకులకు కచ్చితంగా ఓ అదిరిపోయే థ్రిల్లర్ చూడబోతున్నామన్న అనుభూతి కలుగుతుంది. ఆర్యన్ హత్య కేసును ఛేదించినట్టు మోహన్కు అర్జున్ ఫోన్లో చెప్పడం.. అంతలోనే అతని కారు ప్రమాదానికి గురవ్వడం.. కట్ చేస్తే తను గతం మర్చిపోవడం.. ఆస్పత్రి నుంచి డిశ్చార్జి కాగానే ఓ ముఠా అతనిపై ఎటాక్ చేయడం.. ఇలా ప్రతి ఎపిసోడ్ ఆసక్తిరేకెత్తించేలా సాగిపోతుంది (Hunt Review).
కానీ, ఆ తర్వాత నుంచి కథలో వేగం తగ్గుతుంది. అర్జున్ గతం.. ఆర్యన్, మోహన్లతో అతని స్నేహ బంధం ఏమాత్రం ఆసక్తికరంగా అనిపించవు. ఆర్యన్ హత్యకు గురయ్యాక.. హంతకుడ్ని కనిపెట్టేందుకు అర్జున్ చేసే ప్రయత్నాలు ఏమాత్రం మెప్పించవు. ఈ హత్య కేసులో అనుమానితులుగా ఉన్న ముగ్గురు వ్యక్తుల బ్యాక్స్టోరీలు చాలా సాధారణంగా అనిపిస్తాయి. అసలు థ్రిల్లర్ కథల్లో కనిపించాల్సిన ఆసక్తికరమైన చిక్కుముడులు, అనూహ్యమైన మలుపులు ఇందులో మచ్చుకైనా కనిపించవు. విరామ సన్నివేశాలు పూర్తిగా నిరుత్సాహపరుస్తాయి. ద్వితియార్థంలో హంతకుడెవరన్న విషయంలో సస్పెన్స్ రివీలవ్వడం మొదలయ్యాకే కథలో కాస్త స్పీడ్ పెరుగుతుంది. ప్రీ క్లైమాక్స్లో అర్జున్ పాత్ర ఇచ్చే ట్విస్ట్ ప్రేక్షకుల్ని సర్ప్రైజ్ చేస్తుంది. ఆర్యన్ పాత్రను చంపడానికి గల కారణాన్ని దర్శకుడు బలంగా రాసుకోలేకపోయారు. ఆయన సినిమాని ముగించే విషయంలోనూ కంగారు పడినట్టు అర్థమవుతుంది. పతాక సన్నివేశాలు పూర్తిగా తేలిపోయాయి.
ఎవరెలా చేశారంటే: అర్జున్ పాత్రలో సుధీర్బాబు చక్కగా ఒదిగిపోయారు. గతం మర్చిపోవడానికి ముందు.. ఆ తర్వాత తన పాత్రలో కనిపించే మార్పుల్ని అద్భుతంగా చూపించారు. పతాక సన్నివేశాల్లో ఆయన నటన అందర్నీ కట్టిపడేస్తుంది. శ్రీకాంత్, భరత్లవి కథలో కీలక పాత్రలే అయినప్పటికీ.. వాళ్లకు నటించే ఆస్కారం అంతగా లభించలేదు. మైమ్ గోపీ, కబీర్ సింగ్, రవివర్మ తదితరుల పాత్రలు పరిధి మేరకు ఉంటాయి. దర్శకుడు మహేష్ మాతృకను యథాతథంగా తెరపైకి తీసుకొచ్చే ప్రయత్నం చేశాడు. కానీ, అందులోని థ్రిల్ను, ఫీల్ను తెరపైకి తీసుకురావడంలో విఫలయమ్యారు. కథలో విషయం ఉన్నా.. దాన్ని రసవత్తరంగా నడిపించడంలో పూర్తిగా తడబడ్డారు. జిబ్రాన్ నేపథ్య సంగీతం ఏమాత్రం మెప్పించదు. యాక్షన్ సీక్వెన్స్ను చిత్రీకరించిన విధానం కొత్తగా ఉన్నా.. అవి ఏమాత్రం ప్రభావం చూపించలేకపోయాయి. అరుళ్ విన్సెంట్ ఛాయాగ్రహణం ఫర్వాలేదనిపిస్తుంది. నిర్మాణ విలువలు బాగున్నాయి.
బలాలు: + కథా నేపథ్యం; + సుధీర్బాబు నటన; + పోరాట ఘట్టాలు
బలహీనతలు: -పేలవమైన స్క్రీన్ప్లే; - ప్రథమార్థం
చివరిగా: సుధీర్ ‘హంట్’ ఫలించలే!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే? -
Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా? -
Shaitaan Movie Review: రివ్యూ: షైతాన్.. మాధవన్ నెగెటివ్ షేడ్స్లో నటించిన మూవీ మెప్పించిందా?
Shaitaan Movie Review: అజయ్ దేవ్గణ్, జ్యోతిక, మాధవన్ కీలక పాత్రల్లో నటించిన మూవీ ఎలా ఉంది? -
Breathe Review: రివ్యూ: బ్రీత్.. నందమూరి చైతన్య కృష్ణ హీరోగా నటించిన సినిమా ఎలా ఉందంటే?
Breathe telugu movie Review: నందమూరి చైతన్య కృష్ణ హీరోగా పరిచయమైన సినిమా ‘బ్రీత్’. వైద్యో నారాయణో హరి అనేది ఉపశీర్షిక. ఓటీటీ ‘ఆహా’లో స్ట్రీమింగ్ అవుతోన్న ఈ చిత్రం ఎలా ఉందంటే? -
Bhimaa movie review: రివ్యూ: భీమా.. గోపిచంద్ ఖాతాలో హిట్ పడిందా?
Bhimaa movie review: యాక్షన్ హీరోగా పేరుతెచ్చుకున్న గోపిచంద్ కీలక పాత్రలో నటించిన ‘భీమా’ మూవీ మెప్పించిందా? -
Gaami review: విశ్వక్సేన్ నటించిన ‘గామి’ ఎలా ఉందంటే..!
అఘోరాగా విశ్వక్సేన్ నటించిన చిత్రం ‘గామి’. మరి ఈ పాత్రలో విశ్వక్ భయపెట్టాడో.. లేదో తెలుసుకుందాం. -
Premalu Movie Review: రివ్యూ: ప్రేమలు.. మలయాళ బ్లాక్బస్టర్ తెలుగులో ఎలా ఉంది?
Premalu Movie Review: మలయాళంలో ఘన విజయం సాధించిన ‘ప్రేమలు’ తెలుగులోనూ అదే పేరుతో ప్రేక్షకుల ముందుకు వచ్చింది. మరి ఈ సినిమా ఇక్కడి ప్రేక్షకులను మెప్పించిందా? -
Valari Review: రివ్యూ: వళరి.. రితికా సింగ్ నటించిన హారర్ మూవీ ఎలా ఉందంటే?
Valari Review: రితికా సింగ్ నటించిన హారర్ చిత్రం ‘వళరి’. నేరుగా ప్రముఖ ఓటీటీ ‘ఈటీవీ విన్’లో విడుదలైన ఈ సినిమా ఎలా ఉందంటే? -
The Indrani Mukerjea Story: రివ్యూ: ‘ది ఇంద్రాణీ ముఖర్జియా స్టోరీ’.. షీనా బోరా హత్య కేసుపై డాక్యుమెంటరీ
షీనా బోరా హత్య కేసుపై రూపొందిన డాక్యుమెంటరీ సిరీస్ ‘ది ఇంద్రాణీ ముఖర్జియా స్టోరీ’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. -
Bhoothaddam Bhaskar Narayana Review: రివ్యూ: భూతద్దం భాస్కర్ నారాయణ.. థ్రిల్ పంచాడా?
Bhoothaddam Bhaskar Narayana Review: శివ కందుకూరి కీలక పాత్రలో నటించిన మిస్టరీ థ్రిల్లర్ ‘భూతద్దం భాస్కర్ నారాయణ’ ఎలా ఉంది? ప్రేక్షకులకు థ్రిల్ పంచిందా? -
Operation Valentine Review: రివ్యూ: ఆపరేషన్ వాలెంటైన్.. వరుణ్ ఖాతాలో హిట్ పడిందా?
Operation Valentine Review in telugu: పుల్వామా ఉగ్రదాడి నేపథ్యంలో వరుణ్ తేజ్ కీలక పాత్రలో శక్తి ప్రతాప్ సింగ్ దర్శకత్వం వహించిన ‘ఆపరేషన్ వాలెంటైన్’ మెప్పించిందా? -
Malaikottai Vaaliban: రివ్యూ: మలైకోటై వాలిబన్.. మోహన్లాల్ నటించిన పీరియాడికల్ చిత్రం ఎలా ఉందంటే?
మలయాళ నటుడు మోహన్లాల్ నటించిన తాజా చిత్రం ‘మలైకోటై వాలిబన్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతున్న ఈ సినిమా ఎలా ఉందంటే? -
siddharth roy movie review: రివ్యూ: సిద్ధార్థ్ రాయ్.. దీపక్ సరోజ్ నటించిన మూవీ ఎలా ఉంది?
siddharth roy movie review: ప్రచార చిత్రాలతో ఆసక్తిని పెంచిన ‘సిద్ధార్థ్ రాయ్’ ప్రేక్షకులను మెప్పించిందా? లేదా?
తాజా వార్తలు (Latest News)
-
ఆ హంతకులకు, జగన్కు ఓటు వేయొద్దు: వివేకా కుమార్తె సునీత
-
కేజ్రీవాల్కు ఈడీ కస్టడీ పొడిగింపు.. కోర్టులో సీఎం స్వీయ వాదనలు!
-
భారీ లాభాల్లో సూచీలు.. సెన్సెక్స్ 655, నిఫ్టీ 203
-
అదితితో పెళ్లి వార్తలు.. ఫొటో షేర్ చేసిన సిద్ధార్థ్
-
నాటో దేశాలపై దాడి చేయం.. ఎఫ్-16లను మాత్రం కూల్చివేస్తాం: పుతిన్
-
రసవత్తరంగా సాగుతున్న మెగా లీగ్.. తొలి రోజు వీక్షణల్లోనూ రికార్డే