Published : 25 Feb 2021 15:09 IST

శ్రీదేవి తర్వాత అది నాకే సాధ్యం: కంగన

దానితో నా కెరీర్‌ మారిపోయింది

ముంబయి: ప్రముఖ నటి శ్రీదేవి తర్వాత సినిమాల్లో కామెడీ పాత్రలు చేయగలిగిన ఘనత తనదేనని నటి కంగనా రనౌత్‌ తెలిపారు. ఆనంద్‌ ఎల్‌.రాయ్‌ దర్శకత్వంలో తాను కథానాయికగా నటించిన ‘తను వెడ్స్‌ మను’ విడుదలై ఈ ఏడాదితో పదేళ్లు అయిన సందర్భంగా కంగన హర్షం వ్యక్తం చేశారు. అప్పటివరకూ ఒకే రకమైన చిత్రాల్లో నటించిన తన కెరీర్‌ని ఈ సినిమా మార్చేసిందని నటి తెలిపారు. ఈ మేరకు ట్విటర్‌ వేదికగా ఆమె తాజాగా ఓ ట్వీట్‌ చేశారు.

‘‘తను వెడ్స్ మను’ ముందు వరకూ ఎన్నో విభిన్న కథా చిత్రాల్లో నటించాను. కానీ ఈ సినిమా నా వృత్తిపరమైన జీవితాన్నే మరొక విధంగా మార్చేసింది. ఇందులో విభిన్నమైన కథతోపాటు నా నటనతో ప్రేక్షకులను ఎంతగానో ఆకట్టుకున్నాను. నా కామెడీ టైమింగ్‌ కూడా చక్కగా కుదిరింది. లెజండరీ నటి శ్రీదేవి తర్వాత అంతలా కామెడీ చేయగలిగింది నేనే’ అని కంగన ట్వీట్‌ చేశారు.

Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని