పవన్తో నటిస్తున్నానంటే నమ్మబుద్ధి కాలేదు
పవన్ కల్యాణ్ హీరోగా నటిస్తున్న చిత్రం ‘వకీల్సాబ్’. శ్రీరామ్ వేణు దర్శకత్వంలో తెరకెక్కిన ఈ సినిమాలో అనన్య నాగళ్ల ఓ కీలక పాత్రలో నటిస్తోంది. శ్రీ వెంకటేశ్వర క్రియేషన్స్ పతాకంపై దిల్రాజు చిత్రాన్ని నిర్మిస్తున్నారు.
హైదరాబాద్: పవన్ కల్యాణ్ హీరోగా నటించిన చిత్రం ‘వకీల్ సాబ్’. శ్రీరామ్ వేణు దర్శకత్వంలో తెరకెక్కిన ఈ సినిమాలో అనన్య నాగళ్ల ఓ కీలక పాత్రలో నటిస్తోంది. శ్రీ వెంకటేశ్వర క్రియేషన్స్ పతాకంపై వస్తున్న ఈ చిత్రానికి దిల్రాజు నిర్మాత. ఇందులో అంజలి, నివేదా థామస్ ఇతర కీలక పాత్రల్లో నటిస్తున్నారు. సినిమా ఏప్రిల్ 9న విడుదలవుతోంది. హైదరాబాద్లో జరిగిన విలేకరుల సమావేశంలో పాల్గొన్న అనన్య నాగళ్ల తనకు ఆ సినిమా అవకాశం ఎలా వచ్చింది, తన పాత్రేమిటి, సెట్లో పవన్ ఎలా ఉండేవారు తదితర విషయాలపై మాట్లాడారు.
ఈ చిత్రంలో నటించే అవకాశం ఎలా వచ్చింది?
ముందుగా దర్శకుడు వేణు శ్రీరామ్ నన్ను సంప్రదించారు. నేను అప్పటికే ‘మల్లేశం’ చిత్రంలో నటించాను. నెట్ఫ్లిక్స్లో ఆ సినిమా చూసిన వేణు సర్, ఈ అమ్మాయి అయితే ఈ పాత్రకి సరిపోతుందనుకుని ఫోన్ చేశారు. ఆ తర్వాత ఆడిషన్స్ జరిగాయి. నా నటన, డబ్బింగ్ చూసి ఓకే చేశారు.
ఈ చిత్రంలో మీ పాత్ర ఎలాంటిది?
ఇందులో నా పాత్ర చాలా అమాయకంగా ఉంటుంది. మధ్యతరగతికి చెందిన ఓ సాధారణ అమ్మాయిని. మన మధ్య తిరిగే ఓ ముగ్గురు అమ్మాయిల్లో ఒకరికేమైనా అయితే ఎలా స్పందిస్తామో, ఆ అమ్మాయి ఎలాంటి పరిస్థితులు ఎదుర్కొంటుందనేదే కథ. కాబట్టి నా పాత్ర ప్రేక్షకుల సానుభూతిని పొందేలా ఉంటుంది.
పవన్ కల్యాణ్తో నటించడం ఎలా అనిపించింది?
మొదట ఆయనతో కలిసి నటించే అవకాశం వచ్చిందంటే నమ్మబుద్ధి కాలేదు. ఏదైనా ఊహించని సంతోషకరమైన వార్త వింటే ఎలా ఆశ్చర్యానికి గురవుతామో అలాగే నాకూ జరిగింది. చిత్రసీమలో ఎన్నో చూశా. కానీ, ఇలాంటి అవకాశం వచ్చినప్పుడు.. షూటింగ్ మొదలయ్యే వరకు నిజంగా అది జరుగుతుందా అనిపిస్తుంది. కానీ రెండు మూడు రోజుల తర్వాత అది వాస్తవమే అనిపించింది. చాలా సంతోషించాను.
ఆడిషన్స్ చేసేటప్పుడు పవన్ కల్యాణ్ నటిస్తున్నారని తెలుసా?
మొదట్లో ఆడిషన్స్లో దర్శకుడు వేణు సర్ను అడిగా.. ‘ఈ చిత్రంలో పవన్ కల్యాణ్ నటిస్తున్నారా?’ అని. ‘మీకు తెలియదా?’ అని అడిగారాయన. ‘లేదండి’ అని చెప్పా.
సెట్స్లో పవన్ నుంచి ఏం నేర్చుకున్నారు?
సెట్లో ఎప్పుడూ చాలా సరదా వాతావరణం ఉండేది. ఆయన్నుంచి నేను చాలా నేర్చుకున్నాను. ఆయన మాట్లాడేటప్పుడు ఏ విషయంపైన అయినా చాలా లోతుగా చర్చిస్తారు. మా షూటింగ్ జరుతున్నప్పుడు ఆంధ్రాలో ఓ యువతి ఆత్మహత్య చేసుకుంది. ఆ ఘటనపై పవన్ పోరాటం చేశారు. ‘దిశ’లాంటి కేసు గురించి మాతో చాలా డీప్గా చర్చించారు. ఇలా ఆయనతో కొన్ని విషయాలపై చర్చించాం. ఇవన్నీ నాకు ఎప్పటికీ గుర్తుండిపోతాయి.
మీ తోటి నటీమణులు నివేదా థామస్, అంజలి గురించి చెప్పండి..
నివేదా, అంజలిలతో పోల్చుకుంటే నా సినీ అనుభవం చాలా తక్కువ. వారి నుంచి చాలా నేర్చుకున్నా. పోటీగా మాత్రం భావించలేదు. అంజలి చాలా సరదాగా ఉంటుంది. సెట్లోకి వచ్చిందంటే ఇక సందడే సందడి. నివేదా నుంచి నేర్చుకోవడానికి చాలా అవకాశం కలిగింది. వీరిద్దరూ నాకెంతో అండగా నిలిచారు.
మొదట్లో పవన్తో నటించేటప్పుడు ఏమనిపించింది?
షూటింగ్ మొదట్లో పవన్తో ఏమీ మాట్లాడలేదు. నాలుగో సెషన్ వచ్చినప్పుడు దగ్గరగానే కూర్చున్నాం. అప్పుడు నేను సౌకర్యంగా లేననిపించింది పవన్కి. ఇది గమనించిన ఆయన నాతో ‘నిన్ను మల్లేశంలో చూశాను’ అని చెప్పారు. ఏం చదివారు? ఎక్కడి నుంచి వచ్చారు తదితర విషయాలు అడిగి తెలుసుకున్నారు. ఆ తర్వాత నేను పవన్ సర్తో సరదాగా కలిసిపోయాను. ఇక సెట్లో ప్రకాష్ రాజ్, అంజలి ఉంటే ఒకటే సరదా.
సెట్లో మీ నటన గురించి పవన్ మెచ్చుకున్నారా?
ఈ చిత్రంలో పవన్, ముగ్గురు అమ్మాయిల మధ్య కొన్ని సన్నివేశాలు ఉంటాయి. ఆయన కోర్టు సీన్లో ఉన్నప్పుడు మొదట నాతోనే కొన్ని సన్నివేశాలు చిత్రీకరించారు. ఆ సీన్స్లో ఇద్దరిపైనే కెమెరా క్లోజప్ షాట్స్ ఉంటాయి. చాలా జాగ్రత్తగా ఆ సన్నివేశాల్లో నటించాను. ఆ సందర్భంలో ఆయన ‘నీ పాత్రలో చాలా ఎమోషన్ ఉంది. వాటిని ఎలా చేయగలుగుతున్నావ్?’ అంటూ మెచ్చుకున్నారు.
మీరు నటించిన రెండు సినిమాలు రీమేక్. వాటి మాతృక చిత్రాలు ఏమైనా చూశారా?
ఆ సినిమాలు చాలా భిన్నమైనవి. చూసి చేసే విధంగా ఏమీ ఉండవు. ‘పింక్’ చిత్రాన్ని థియేటర్లోనే చూశాను.
కెరీర్ మొదట్లోనే మంచి ఛాలెంజింగ్ పాత్రలు వస్తున్నాయి. ఎలా అనిపిస్తోంది?
చాలా అదృష్టవంతురాలిని. ఎందుకంటే నేను ఇప్పుడు సరైన సమయంలో సరైన చోటనే ఉన్నాను. ‘వకీల్ సాబ్’లో అవకాశం నేను కోరుకుంటే వచ్చింది కాదు. అనన్య ఒక పాత్ర చేస్తుందంటే బాగా చేసిందనిపించుకునేలా ఉండాలనుకుంటా.
తెలుగమ్మాయిలు రాణించడం చాలా కష్టమంటారు? దీనిపై మీ అభిప్రాయం?
తెలుగమ్మాయిలు నటనలో సహకరించరనే దురభిప్రాయం ఎందుకనో చాలా కాలంగా ఇండస్ట్రీలో ఉంది. అలా అనుకోవడం వల్లే తెలుగమ్మాయిలకు అవకాశాలు రావడం లేదనుకుంటా. కానీ, అంతకు మించి ఇక్కడ మరెలాంటి సమస్యలూ లేవు.
తెలుగమ్మాయిలు అన్ని పాత్రలు చేయలేరనే అపోహ ఉంది?
నాకు నచ్చిన పాత్రయితే, నటించగలననుకుంటే తప్పకుండా చేస్తాను. ఆ పాత్రకు నేను సరిగ్గా సరిపోతాననిపిస్తే మరో ఆలోచన లేకుండా చేస్తాను.
‘వకీల్ సాబ్’ సమాజం మీద ఎంతవరకు ప్రభావం చూపిస్తుంది?
ఈ సినిమా సమాజం మీద ప్రభావం చూపించాలనుకుంటున్నా. మన కన్నా ముందుతరాలు, మా అమ్మానాన్నల తరంవాళ్లు ఆడపిల్లలంటే ఇలా ఉండాలి, అబ్బాయిలు అలా ఉండాలనుకునేవారు. కానీ మా తరం అలా కాదు. ఎవరికి తోచిన విధంగా వారు ఉంటే చాలనుకుంటున్నాం. అందుకే ఇప్పుడు ఇలాంటి చిత్రాలు రావాలి. అబ్బాయిలను మంచిగా పెంచాలి. అమ్మాయిలకు జాగ్రత్తగా ఉండమని చెప్పాలి. అబ్బాయిలకు కూడా అమ్మాయిల్ని చాలా జాగ్రత్తగా చూసుకోవాలని చెప్పాల్సి ఉంటుంది.
నిజ జీవితంలో మీరేమైనా ఈ సినిమాలో ఉన్నటువంటి అనుభవాలు ఎదుర్కొన్నారా?
నా నిజ జీవితంలో ఎలాంటి సంఘటనలూ లేవు. కానీ ఆలోచిస్తుంటే మన చుట్టూ ఇలాంటివి జరుగుతుంటాయా అనిపిస్తోంది.
ఎలాంటి పాత్రలు చేయడానికి ఇష్టపడుతున్నారు?
సినిమా కథ బాగుండి, పాత్ర బాగుంటే చాలు ఏ సినిమాలోనైనా చేస్తాను. ఈ సమయంలో బబ్లీగా ఉండే పాత్రలు చేయాలనిపిస్తోంది. అభినయం కలిగిన పాత్రల్లోనూ నటించాలని ఉంది.
కొత్తగా ఎలాంటి సినిమాలు చేస్తున్నారు?
ప్రస్తుతం రెండు చిత్రాలు చేస్తున్నా. వాటి గురించి ఆ సినిమాలకు సంబంధించినవాళ్లు చెబితే బాగుంటుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.