samantha: జీవితంలో చాలా మానసిక సమస్యలు ఎదుర్కొన్నా: సమంత

హైదరాబాద్‌: జీవితంలో తాను చాలా మానసిక సమస్యలు ఎదుర్కొన్నానని కథానాయిక సమంత (Samantha) అన్నారు. రోష్ని ట్రస్ట్ ఏర్పాటు చేసిన సైకియాట్రి ఎట్  యువర్ డోర్ స్టెప్ కార్యక్రమంలో ఆమె పాల్గొన్నారు.

ఈ సందర్భంగా సమంత మాట్లాడుతూ.. ‘‘నేను జీవితంలో చాలా మానసిక సమస్యలు ఎదుర్కొన్నా. అలాంటి సమయంలో నా స్నేహితులు, వైద్యుల సహాయం తీసుకున్నా. నేను ఈ రోజు ధైర్యంగా నిలబడటానికి, జీవితంలో ముందుకి సాగటానికి నా స్నేహితులు, కుటుంబం, కౌన్సిలర్ల సహయమే కారణం. శరీరానికి దెబ్బ తగిలితే వైద్యులను ఎలాగైతే కలుస్తామో అలాగే మనసుకి గాయం అయినప్పుడు కూడా వైద్యులను సంప్రదించాలి’ అని చెప్పుకొచ్చారు.

అగ్రకథానాయిక సమంత (Samantha) వరుస చిత్రాలతో దూసుకుపోతున్నారు. ఇటీవల ‘పుష్ప’లో ఐటమ్‌ సాంగ్‌లో అదరగొట్టిన సమంత.. ‘శాకుంతలం’, ‘యశోద’ చిత్రాలతో పాటు, ‘ది అరేంజ్‌మెంట్స్‌ ఆఫ్‌ లవ్‌’ అనే అంతర్జాతీయ చిత్రంలోనూ నటిస్తున్నారు. వరుణ్‌ ధావన్‌ (Varun Dhawan)తో కలిసి అమెజాన్‌ ప్రైమ్‌ సిరీస్‌ ‘సిటాడెల్‌’(Citadel)లోనూ నటిస్తున్నారు.