ileana: ఇది నాకు మరో కెరీర్‌ అవుతుందేమో!

ఇంట‌ర్నెట్ డెస్క్‌: ఇలియానా మ‌రో కెరీర్‌ని ఎంపిక చేసుకోవడం ఏంటి.. అనుకుంటున్నారా? అస‌లు విష‌యం ఏంటంటే.. లాక్‌డౌన్‌లో ఏం చేయాలో తెలియ‌క స‌మ‌యాన్ని వృథా చేసుకునేవారు కొంద‌రైతే.. కొత్త విష‌యాలు నేర్చుకునేందుకు ఆస‌క్తి చూపిస్తున్న వారు మ‌రికొంద‌రు. ఈ రెండో జాబితాలోనే నిలుస్తోంది గోవా బ్యూటీ ఇలియానా. త‌న‌లోని చెఫ్‌ని బ‌య‌ట‌పెట్టేందుకు ఈ విరామ సమ‌యం ఎంతో ఉప‌యోగప‌డిందట. వంటింట్లో గ‌రిటెపట్టి ప‌సందైన చాక్లెట్ కేక్‌ని త‌యారు చేసి నోరూరిస్తోంది. స్వ‌యంగా  చేసిన హాట్ హాట్ కేక్‌ని ఇన్‌స్టాగ్రామ్ వేదిక‌గా అభిమానుల‌తో పంచుకుంది. అంతేకాదు ఇది నాకు ప్ర‌త్యామ్నాయ కెరీర్ అవుతుంద‌ని భావిస్తున్నా అంటూ ఓ కొటేష‌న్ పెట్టింది. బేకరిలో ల‌భించే కేక్‌ని ఇంట్లోనే అద్భుతంగా త‌యారు చేశాన‌నే ఉద్దేశం ఈ ముద్దుగుమ్మ‌ది. ఇదండి సంగతి. సినిమా విష‌యానికొస్తే.. ఇటీవ‌ల ది బిగ్ బుల్ చిత్రంతో ప్రేక్ష‌కుల్ని ప‌ల‌క‌రించిన ఇలియానా త్వ‌ర‌లో అన్‌ఫెయిర్ అండ్ ల‌వ్లీ సినిమాతో సంద‌డి చేయ‌నుంది.