Ponniyin Selvan: త్రిష కోసం 50 లుక్స్‌.. నందినిగా రేఖ

చెన్నై: చోళ సామ్రాజ్యం నేపథ్యంలో తెరకెక్కిన ప్రతిష్ఠాత్మక చిత్రం ‘పొన్నియిన్‌ సెల్వన్‌’ (Ponniyin Selvan). ప్రముఖ దర్శకుడు మణిరత్నం (Maniratnam) ఈ చిత్రాన్ని రూపొందించారు. విక్రమ్‌, త్రిష, కార్తి, జయం రవి, ఐశ్వర్యారాయ్‌ ప్రధాన పాత్రల్లో తెరకెక్కిన ఈ సినిమా సెప్టెంబర్‌ 30న ప్రేక్షకుల ముందుకు రానుంది. ఈ నేపథ్యంలో ఈ సినిమాకు సంబంధించిన పలు ఆసక్తికర విషయాలు బయటకు వచ్చాయి.

ఈ సినిమాలో యువరాణి కుందవై పాత్రలో త్రిష నటించిన విషయం తెలిసిందే. అయితే, ఆమె లుక్‌ని మణిరత్నం అంత ఈజీగా ఓకే చేయలేదు. ‘‘కుందవై యువరాణి లుక్స్‌ కొన్నింటినీ మీరు ఇప్పటికే ట్రైలర్‌లో చూశారు. ఈ లుక్స్‌ని ఫైనల్‌ చేయడం అంత సాధారణంగా జరగలేదు. ఇందుకోసం సుమారు 50 లుక్స్‌ ప్రయత్నించాం. దానిలో 30 ఫైనల్‌ చేసి.. వాటిల్లోనుంచి ఉత్తమమైన పదింటిని తీసుకున్నాం. ఆ పదిలో సినిమాకు ఏది నప్పుతుందో మణిరత్నం ఓకే  చేశారు’’ అని త్రిష చెప్పుకొచ్చారు. ఈ సినిమాలో కీలకంగా చెప్పుకొనే రాణి నందినిగా బాలీవుడ్‌ బ్యూటీ ఐశ్వర్యారాయ్‌ నటించినప్పటికీ.. మొదట ఆ పాత్రకు నటి రేఖను అనుకున్నట్లు తాజాగా ఇచ్చిన ఓ ఇంటర్వ్యూలో మణిరత్నం చెప్పుకొచ్చారు.