Shaakuntalam: కలల ప్రాజెక్టు పక్కన పెట్టి.. ప్రేమకథను తీసి.. సమంత ‘శాకుంతలం’ విశేషాలివీ
సమంత, దేవ్ మోహన్ ప్రధాన పాత్రల్లో దర్శకుడు గుణశేఖర్ తెరకెక్కించిన ‘శాకుంతలం’ సినిమా ఈ నెల 14న ప్రేక్షకుల ముందుకురాబోతుంది. ఈ సందర్భంగా దాని గురించి కొన్ని సంగతులు చూద్దాం..
ఇతిహాసాల ఆధారంగా తెరకెక్కే చిత్రాలపై ప్రేక్షకుల్లో ఆసక్తిగా ఎక్కువగా ఉంటుంది. ఆయా సినిమాల ప్రకటన వెలువడడమే ఆలస్యం.. పురాణ పాత్రలకు తెరపై ఎవరెవరు జీవం పోస్తారోనన్న చర్చ మొదలవుతుంది. అలాంటి అంచనాల నడుమ రూపొందింది ‘శాకుంతలం’ (Shaakuntalam) చిత్రం. సమంత (Samantha Ruth Prabhu) ప్రధాన పాత్రధారిగా ప్రముఖ దర్శకుడు గుణ శేఖర్ (Guna Sekhar) తీసిన ఆ సినిమా ఈ నెల 14న విడుదలకాబోతుంది. ఈ సందర్భంగా ఆ ప్రాజెక్టుకు సంబంధించిన కొన్ని ఆసక్తికర విశేషాలు మీకోసం..
- ‘హిరణ్య కశ్యప’ అనేది గుణ శేఖర్ కలల ప్రాజెక్టు. ఆ స్క్రిప్టుపై ఐదేళ్లు పనిచేశారాయన. విజువల్స్ విషయంలో హాలీవుడ్ సంస్థతోనూ కొన్నాళ్లు చర్చలు జరిపారు. సినిమా ప్రారంభించాలనుకున్న సమయానికి కొవిడ్ మొదలైంది.. ప్రపంచమంతా లాక్డౌన్ అయింది. మరోవైపు, వేరే ప్రాజెక్టు చేసే అవకాశంరావడంతో ఆ హాలీవుడ్ సంస్థ గుణశేఖర్తో కలిసి పనిచేసేందుకు అనాసక్తి కనబరిచింది. దాంతో ‘హిరణ్య కశ్యప’ను హోల్డ్లో పెట్టిన గుణశేఖర్ ఓ మంచి ప్రేమను తెరకెక్కించాలనే ఆలోచనలో పడ్డారు. ఆ క్రమంలో ఇతిహాసాలు చదువుతుంటే కాళిదాసు రాసిన సంస్కృత నాటకం ‘అభిజ్ఞాన శాకుంతలం’ ఆయన్ను బాగా ఆకట్టుకుంది. ఆ ప్రేరణతోనే ‘శాకుంతలం’ సినిమా రూపుదిద్దుకుంది.
- తన కూతురు, ఈ సినిమా నిర్మాత నీలిమ ఇచ్చిన సలహాతోనే సమంతను నాయికగా ఎంపిక చేశారు గుణ శేఖర్. ‘రంగస్థలం’లోని సమంత నటన ఆయనకు బాగా నచ్చడంతో ఆ అవకాశం ఇచ్చారు. సౌందర్యరాశి.. పెళ్లి కాకుండా బిడ్డకు జన్మనిచ్చిన, విపత్కర పరిస్థితుల్లోనూ ఆత్మాభిమానం కోసం పోరాడిన శకుంత పాత్రలో సమంత నటించారు. మరో ప్రధాన పాత్ర అయిన దుష్యంతుడిగా మలయాళ నటుడు దేవ్ మోహన్ (Dev Mohan) కనిపించనున్నారు. దుర్వాస మహర్షిగా మోహన్బాబు (Mohan Babu), కణ్వ మహర్షిగా సచిన్ ఖేడ్కర్, మేనకగా మధుబాల, గౌతమి పాత్రలో గౌతమి, అనసూయగా అనన్య నాగళ్ల కనిపిస్తారు.
- దుష్యంతుడి పాత్రలో పలు రకాల షేడ్స్ ఉంటాయని, అలాంటి క్యారెక్టర్లో నటించేందుకు తెలుగు హీరోలు ముందుకురారని, అందుకే దేవ్ మోహన్ను తీసుకున్నానని గుణ శేఖర్ తెలిపారు. ఆ హీరో సమంత కంటే ఐదేళ్లు చిన్నోడు. మలయాళంలో రెండు చిత్రాల్లో నటించిన ఆయనకు ఇంతటి భారీ ప్రాజెక్టులో అదీ అగ్ర కథానాయిక అయిన సమంత సరసన నటించే అవకాశంరావడం విశేషం. దుర్వాస మహర్షి పాత్రలో నటించేందుకు మోహన్బాబు అంగీకరించకపోతే ప్రాజెక్టే ముందుకెళ్లేది కాదేమోనని అన్నారు గుణ శేఖర్. ఆ రోల్ ఎంత కీలకమో అర్థం చేసుకోవచ్చు. ప్రముఖ హీరో అల్లు అర్జున్ తనయ అర్హ ఈ సినిమాతోనే వెండితెరకు పరిచయమవుతోంది. శకుంతల తనయుడు భరతుడిగా అర్హ సందడి చేయనుంది.
- నాటకాన్ని తెరపైకి దృశ్యకావ్యంగా తీసుకురావాలంటే ఎంతో కష్టపడాలి. అప్పటి వాతావరణం ఉట్టిపడేలా భారీ సెట్స్, ప్రతి పాత్రకు నగలను రూపొందించాల్సి ఉంటుంది. ఇందులోని ప్రధాన పాత్రధారుల కోసం రూ.14 కోట్లు విలువ చేసే బంగారు, వజ్రాభరణాలు వినియోగించారు. సుమారు 15 కిలోల బంగారం వినియోగించారు. ‘దాన వీర శూర కర్ణ’ (Daana Veera Soora Karna)లో ఎన్టీఆర్ వాడిన బంగారు కిరీటం స్ఫూర్తితో తన చిత్రాల్లోనూ నిజమైన బంగారు ఆభరణాలే వాడాలనుకున్నారు గుణశేఖర్.
- అడవిలో పుట్టి, పెరిగిన శకుంతలకు జంతువులే స్నేహితులు. ఒకట్రెండు జంతువులయితే ఏదో విధంగా సంబంధిత సన్నివేశాలు చిత్రీకరించేవారు. వాటి సంఖ్య ఎక్కువగా ఉండడం, ఆ రోజుల్లోని కొన్ని రకాల జంతువులు ఇప్పుడు కనుమరుగైపోవడంతో చిత్ర బృందం సీజీ (గ్రాఫిక్స్)ని ఆశ్రయించింది. 14 ప్రముఖ స్టూడియోలు కలిసి ఈ చిత్రానికి అద్భుతమైన విజువల్స్ అందించాయి.
- ఆ వీఎఫ్ఎక్స్ (విజువల్ ఎఫెక్ట్స్) నేర్చుకునేందుకే ‘శాకుంతలం’లో ఓ భాగమయ్యా అని ఓ ఇంటర్వ్యూలో ప్రముఖ నిర్మాత దిల్రాజు (Dil Raju) తన మనసులో మాట బయటపెట్టారు. ఈ చిత్రాన్ని ఆయన సమర్పిస్తున్నారు. ఆయన సలహాతోనే ఈ సినిమాని 3డీలో విడుదల చేస్తున్నారు.
- ఈ పాత్ర సమంతకు ఓ సవాలే. ఇప్పటి వరకూ ఆమె ఇలాంటి నేపథ్యమున్న చిత్రాల్లో నటించలేదు. ‘‘సమంత ఆధునిక పాత్రలు చేసిన నటి. ఆమె పురాణ పాత్రకి తగ్గట్టుగా మారడం అంత సులభం కాదు. అయినా తగిన శిక్షణ తీసుకుని పాత్రలో ఒదిగిపోయింది’’ అనేది దర్శకుడి మాట. ఓ పాట కోసం సమంత 30 కేజీల బరువున్న లెహెంగా ధరించారు. అంత బరువున్న డ్రెస్సుతో నటించడం కష్టమనిపించినా వెనక్కి తగ్గలేదు. తనకు పూల అలర్జీ ఉన్నా పాత్రకు న్యాయం చేసేందుకు చేతికి, మెడకి వాటిని చుట్టుకోవడంతో సమంతకు దద్దుర్లు వచ్చాయి. నెలలు గడిచినా ఆ మచ్చలు పోకపోవడంతో ఆమె మేకప్తో కవర్ చేసుకున్నారట. మరోవైపు, సమంత మయోసైటిస్ అనే అరుదైన వ్యాధితో పోరాడుతున్న సంగతి తెలిసిందే. సినిమాలో నటించడమే కాదు దాన్ని ప్రేక్షకుల్లోకి తీసుకెళ్లాలనే ఉద్దేశంతో ముంబయి, కొచ్చిన్, హైదరాబాద్లో ప్రచారంలోనూ పాల్గొంది. విశ్రాంతి తీసుకోకుండా ప్రయాణాలు చేస్తుండడంతో అస్వస్థతకు గురైనట్టు బుధవారం సోషల్ మీడియా వేదికగా వెల్లడించింది.
- ఈ సినిమా రూ. 80 కోట్ల బడ్జెట్తో రూపొందిందని సమాచారం. ‘‘మీ సినిమా బడ్జెట్ ఎంత అనేది ముఖ్యం కాదు.. టికెట్కి నేను పెట్టే ఖర్చు ఒక్కటే కదా అంటున్నాడు ప్రేక్షకుడు. అందుకే తీస్తే నాణ్యమైన సినిమా తీయాలి, లేదంటే తీయడం మానేయాలి. ఈ నెల 14 వరకు వచ్చిన సినిమాలకి దీటుగా ఇందులో విజువల్ ఎఫెక్ట్స్ ఉంటాయి’’ అని గుణశేఖర్ ధీమా వ్యక్తం చేశారు.
- గుణ శేఖర్- సంగీత దర్శకుడు మణిశర్మ కాంబినేషన్కు మంచి క్రేజ్ ఉంది. ఈ చిత్రానికంటే ముందు ఆ కాంబోలో ‘చూడాలని ఉంది’, ‘మనోహరం’, ‘మృగరాజు’, ‘ఒక్కడు’, ‘అర్జున్’, ‘వరుడు’ వచ్చాయి. ‘శాకుంతలం’లోని పాటలనూ శ్రోతలు ఆస్వాదిస్తున్నారు.
- కశ్మీర్, అనంతగిరి హిల్స్, హైదరాబాద్లోని గండిపేట జలాశయం, రామోజీ ఫిల్మ్ సిటీ, అన్నపూర్ణ స్టూడియోస్ తదితర ప్రాంతాల్లో ఈ సినిమాని చిత్రీకరించారు. ఏడాదిపాటు ప్రీ ప్రొడక్షన్ కార్యక్రమాల్లో ఉన్న ఈ సినిమా షూటింగ్ ఐదు నెలల్లోనే పూర్తయింది. మరో ఏడాదిన్నరపాటు పోస్ట్ ప్రొడక్షన్ పనులు జరిగాయి. ఇప్పటికే విడుదలకావాల్సి ఉన్న ఈ సినిమా పలుమార్లు వాయిదాపడి ఎట్టకేలకు ఈ వేసవిలో వినోదాల జల్లు కురిపించేందుకు సిద్ధమైంది. ఇప్పటికే పలు నగరాల్లో ప్రీమియర్ షోలు ప్రదర్శితమయ్యాయి. చూసిన వారి నుంచి మంచి స్పందన వచ్చింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?
తాజా వార్తలు (Latest News)
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!
-
ఓటరు జాబితాలో.. ‘డీ’ ఓటరు అంటే ఎవరు?
-
ఈనాడు.నెట్లో టాప్ 10 వార్తలు @ 9 PM
-
ఏపీ ఇంటెలిజెన్స్ డీజీగా విశ్వజిత్, విజయవాడ సీపీగా రామక్రిష్ణ
-
ఎన్నికల బరిలో ‘పొలిమేర’ నటి..