Naga Chaitanya: ఎన్ని కథలో...

తెలుగులో యువ కథానాయకులు బోలెడు మంది. ఒకొక్కరూ రెండు మూడు సినిమాలకి పచ్చజెండా ఊపేసి వేగం పెంచిన సమయమిది. ఇలాంటి పరిస్థితుల్లోనూ నాగచైతన్య కోసం ఐదారు కథలు సిద్ధం అవుతున్నాయి. పలువురు యువ దర్శకులు ఆయన్ని లక్ష్యంగా చేసుకుని స్క్రిప్టులు రెడీ చేస్తున్నారు. ఇటీవలే విక్రమ్‌ కె.కుమార్‌ దర్శకత్వంలో ‘థ్యాంక్‌ యూ’ చిత్రాన్ని పూర్తి చేసిన నాగచైతన్య కోసం తమిళ దర్శకుడు వెంకట్‌ప్రభు మొదలుకొని, రాహుల్‌ సంకృత్యాన్‌ వరకు పలువురు దర్శకులు కథలు సిద్ధం చేస్తున్నారు. తిరుమల కిషోర్‌, నందినిరెడ్డి, విజయ్‌ కనకమేడలతోపాటు, శివ నిర్వాణ నాగచైతన్యతో మరో చిత్రం చేసేందుకు స్క్రిప్ట్‌లు సిద్ధం చేస్తున్నట్టు సమాచారం. ఈ పోటీ మధ్య సరైన కథలు దొరకడమే కష్టం అనుకుంటున్న ఈ పరిస్థితుల్లోనూ నాగచైతన్య జోరు ప్రదర్శిస్తున్నారు.