Valimai: ‘వలిమై’ రాకకు ముహూర్తం ఫిక్స్‌?

అజిత్‌ హీరోగా హెచ్‌.వినోద్‌ తెరకెక్కించిన యాక్షన్‌ ఎంటర్‌టైనర్‌ ‘వలిమై’. బోనీ కపూర్‌ నిర్మించారు. హ్యూమా ఖురేషి కథానాయిక. కార్తికేయ ప్రతినాయకుడిగా నటించారు. సంక్రాంతి సందర్భంగా ప్రేక్షకుల ముందుకు రావాల్సిన ఈ సినిమా.. కొవిడ్‌ పరిస్థితుల వల్ల వాయిదా పడిన సంగతి తెలిసిందే. ఇప్పుడీ చిత్రాన్ని  ఫిబ్రవరి 24న విడుదల చేయనున్నట్లు తమిళ వర్గాల నుంచి సమాచారం అందుతోంది. త్వరలో దీనిపై అధికారిక  ప్రకటన వెలువడనున్నట్లు తెలుస్తోంది. ఈ సినిమాలో అజిత్‌ సీబీసీఐడీ అధికారిగా సందడి చేయనున్నారు. తెలుగుతో పాటు ఇతర భాషల్లోనే విడుదల చేసే యోచనలో చిత్రబృందముంది.