Janhvi Kapoor: ఎన్టీఆర్ సరసన జాన్వీ?
శ్రీదేవి తనయ జాన్వీకపూర్ తెలుగు తెరపై మెరిసే సమయం ఆసన్నమైందా? ఈ ప్రశ్నకి అవుననే సమాధానాన్నే వినిపిస్తున్నాయి టాలీవుడ్ వర్గాలు. జాన్వీ తెలుగు సినిమాల్లో నటిస్తుందనే ప్రచారం ఇప్పటిదేమీ కాదు. ఆమె తెలుగు సినిమాతోనే పరిచయం కానుందని కూడా అప్పట్లో చెప్పుకున్నారు
శ్రీదేవి తనయ జాన్వీకపూర్ తెలుగు తెరపై మెరిసే సమయం ఆసన్నమైందా? ఈ ప్రశ్నకి అవుననే సమాధానాన్నే వినిపిస్తున్నాయి టాలీవుడ్ వర్గాలు. జాన్వీ తెలుగు సినిమాల్లో నటిస్తుందనే ప్రచారం ఇప్పటిదేమీ కాదు. ఆమె తెలుగు సినిమాతోనే పరిచయం కానుందని కూడా అప్పట్లో చెప్పుకున్నారు. కొందరు నిర్మాతలు ఆ దిశగా ప్రయత్నాలు కూడా చేశారు. అయితే ఆమె మాత్రం హిందీ సినిమాతోనే ఎంట్రీ ఇచ్చింది. ఇప్పుడైతే ఒకప్పటిలాగా హిందీ, తెలుగు అని భాషా పరమైన హద్దులేమీ లేవు. ఎక్కడ సినిమా చేసినా దేశంలోని భాషతో సంబంధం లేకుండా అన్ని ప్రాంతాల ప్రజలూ చూస్తున్నారు. తెలుగులో అగ్ర తారల సినిమాలన్నీ కూడా ఇప్పుడు పాన్ ఇండియా స్థాయిలోనే రూపొందుతున్నాయి. దాదాపు సినిమాల్లో బాలీవుడ్కి చెందిన కథానాయికలే నటిస్తున్నారు. ఈ దశలోనే జాన్వీ కపూర్ పేరు ప్రముఖంగా వినిపిస్తోంది. రెండు ప్రధానమైన సినిమాల్లో ఆమె పేరు వినిపిస్తోంది. ఒకటి ఎన్టీఆర్ సినిమా కాగా, మరొకటి విజయ్ దేవరకొండ చిత్రం. ఎన్టీఆర్ కథానాయకుడిగా బుచ్చిబాబు సానా దర్శకత్వంలో ఓ చిత్రం తెరకెక్కనుంది. ఈ చిత్రం కోసం బుచ్చిబాబు క్రీడానేపథ్యంతో కూడిన ఓ కథని సిద్ధం చేసినట్టు సమాచారం. ఈ సినిమాకోసం కథానాయికగా జాన్వీని సంప్రదించినట్టు సమాచారం. అలాగే విజయ్ దేవరకొండ - పూరి జగన్నాథ్ కలయికలోనూ మరో సినిమా ప్రచారంలో ఉంది. ‘లైగర్’ తర్వాత ఆ సినిమా పట్టాలెక్కుతుందని, అందులో కూడా కథానాయికగా జాన్వీ దాదాపు ఖాయమని టాలీవుడ్ వర్గాలు చెబుతున్నాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
తెదేపా కార్యాలయం వద్ద టాస్క్ఫోర్స్ కదలికలు
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?