Kamal Haasan: కమల్‌ సరసన విద్యాబాలన్‌?

కమల్‌హాసన్‌ (Kamal Haasan) ప్రస్తుతం శంకర్‌ దర్శకత్వంలో నటిస్తున్నారు. ‘భారతీయుడు’కి కొనసాగింపుగా రూపొందుతున్న ఆ సినిమాని పూర్తి చేసే పనిలో ఉన్నారు. మరోవైపు కొత్త సినిమాకోసం చకచకా ఏర్పాట్లు సాగుతున్నాయి. అగ్ర దర్శకుడు మణిరత్నంతో సినిమా చేయడానికి ఇప్పటికే పచ్చజెండా ఊపారు కమల్‌హాసన్‌. సుదీర్ఘ కాలం తర్వాత ఈ ఇద్దరూ జట్టు కడుతున్నారు. ఇదివరకు ఇద్దరూ కలిసి ‘నాయగన్‌’ చేశారు. ఆ తర్వాత మళ్లీ ఇప్పుడే చేతులు కలిపారు. ఈ సినిమాలో కమల్‌కి జోడీగా విద్యాబాలన్‌ (Vidya Balan) నటించనున్నట్టు తెలుస్తోంది. ఇదివరకు నయనతార పేరు ప్రచారంలోకి వచ్చింది. అయితే తాజాగా నయనతార స్థానంలో విద్యాబాలన్‌ని ఎంపిక చేసుకొనేందుకు ఆమెని సంప్రదదించినట్టు తమిళ సినీ వర్గాలు చెబుతున్నాయి.