Bollywood: కరీనా, టబు కలసి...?

కరీనా కపూర్, టబు కలసి నటించనున్నారా? ‘భూల్‌భులయా2’ తర్వాత టబు నటించనున్న చిత్రమేది? ప్రసవం తర్వాత కరీనా సెట్స్‌లో ఎప్పుడు అడుగుపెడుతుంది? తదితర ప్రశ్నలన్నింటికీ సమాధానం ఒకటే కానుంది. నిర్మాత రియా కపూర్‌ వినిపించిన కథ ఈ ఇద్దరికీ నచ్చిందని తెలుస్తోంది. ‘‘ఈ కథ ఇద్దరి మహిళల ప్రయాణం నేపథ్యంలో సాగుతుంది. రెండు ప్రధాన కథలుంటాయి. ఇద్దరికీ సమాన ప్రాధాన్యం ఉంటుంది. వీరు ఒకరికొకరు ఎలా పరిచయం అయ్యారు? ఎలా సహకరించుకున్నారు? తమకు ఎదురైన  సమస్యలను ఎలా  పరిష్కరించుకున్నారు? అనేది ఆసక్తికరంగా సాగుతుంది. ఈ సినిమా చేయడానికి ఇప్పటికే కరీనా అంగీకరించారు. టబుకు స్క్రిప్ట్‌ బాగా నచ్చింది. ఆమె అనుమతే తరువాయి’’  అని చిత్రబృందం చెప్పుకొచ్చింది.