DJ Tillu 2: టిల్లు కోసం నయా రాధిక?

టిల్లు అనగానే రాధిక గుర్తొస్తుంది. ‘డీజే టిల్లు’తో (DJ Tillu) ఆ రెండు పాత్రలు చేసిన సందడి అలాంటిది. విజయవంతమైన ఆ చిత్రానికి కొనసాగింపుగా ‘టిల్లు స్క్వేర్‌’ పేరుతో తెరకెక్కుతున్న సినిమా చిత్రీకరణ ఇప్పటికే షురూ అయ్యింది. రెండో చిత్రంలో హీరో సిద్ధు జొన్నలగడ్డ (Siddhu Jonnalagadda) సరసన అనుపమ పరమేశ్వరన్‌ని (Anupama Parameswaran) ఎంపిక చేసినట్టు ఇదివరకు ప్రకటించింది చిత్రబృందం. అయితే ఇప్పుడు అనుపమ ఆ సినిమాలో నటించడం లేదు. ఆమె స్థానంలో మరో కొత్త భామని ఎంపిక చేసుకొంటోంది చిత్రబృందం. నయా రాధికగా మడోన్నా సెబాస్టియన్‌ (Madonna Sebastian) నటించే అవకాశాలున్నాయి. ఆ మేరకు  చిత్రబృందం సంప్రదింపులు జరుపుతోంది. ‘ప్రేమమ్‌’, ‘శ్యామ్‌ సింగరాయ్‌’ చిత్రాలతో తెలుగు ప్రేక్షకులకు చేరువైంది మడోన్నా. సూర్యదేవర నాగవంశీ నిర్మిస్తున్న ఈ చిత్రానికి,  మల్లిక్‌రామ్‌ దర్శకత్వం వహిస్తున్నారు.