Nagarjuna: రీమేక్‌ కథతో నాగార్జున?

ఇటీవలే ‘ది ఘోస్ట్‌’తో (The Ghost) ప్రేక్షకుల్ని పలకరించారు కథానాయకుడు నాగార్జున (Nagarjuna). అయితే దీని తర్వాత ఆయన చేయనున్న చిత్రమేదన్నది ఇంత వరకు తేలలేదు. తన తనయుడు అఖిల్‌తో కలిసి మోహన్‌ రాజా దర్శకత్వంలో ఓ సినిమా చేయనున్నట్లు ప్రచారం వినిపించినా.. ఇంత వరకు అధికారిక ప్రకటన వెలువడలేదు. కాగా, ఇప్పుడాయన ఓ రీమేక్‌ కథకు పచ్చజెండా ఊపారని సమాచారం. మలయాళంలో విజయవంతమైన ‘పొరింజు మరియం జోస్‌’ (porinju mariyam jose) చిత్రాన్ని నాగ్‌ తెలుగులో రీమేక్‌ చేయనున్నారని, దీన్ని శ్రీనివాస చిట్టూరి నిర్మించనున్నారని తెలిసింది. ఈ సినిమాతో రచయత ప్రసన్న కుమార్‌ బెజవాడ దర్శకుడిగా పరిచయం కానున్నారని వార్తలు వినిపిస్తున్నాయి. త్వరలో దీనిపై అధికారిక ప్రకటన వెలువడనున్నట్లు తెలుస్తోంది.