Pooja Hegde: ‘జనగణమన’ కోసం

మరో కొత్త జోడీ ముచ్చట ఇది. అన్నీ కుదిరితే విజయ్‌ దేవరకొండ సరసన పూజాహెగ్డే ఆడిపాడనుంది. పూరి జగన్నాథ్‌ దర్శకత్వంలో విజయ్‌ కథానాయకుడిగా ‘జనగణమన’ తెరకెక్కనున్న సంగతి తెలిసిందే. కొన్నాళ్ల కిందటే సినిమాని ప్రారంభించారు. కథానాయికగా పూజాహెగ్డేని ఎంపిక చేయడం కోసం చిత్రబృందం ఆమెని సంప్రదించింది. మొదట ఇందులో శ్రీదేవి తనయ జాన్వీ కపూర్‌ ఆడిపాడనుందనే మాట వినిపించింది. తాజాగా చిత్రబృందం పూజాహెగ్డే కోసమే ప్రయత్నాలు మొదలు పెట్టింది. హిందీలో  సల్మాన్‌ఖాన్‌తో సినిమా కోసం రంగంలోకి దిగిన ఆమె... తెలుగులోనూ ఇప్పటికే మహేష్‌తో కలిసి నటించేందుకు పచ్చజెండా ఊపింది. మరి ‘జనగణమన’ కోసమూ ఆమె సై అంటుందా? అనేది చూడాలి. ఇందులో విజయ్‌  సైనికుడిగా నటిస్తున్నారు.