Project K: రెండు భాగాలుగా..?

కథని రెండు భాగాలుగా చెప్పడం చిత్రసీమలో ఓ కొత్త ట్రెండ్‌. ‘బాహుబలి’ నుంచి ఈ తరహా ప్రయత్నాలు విజయవంతంగా కొనసాగుతున్నాయి. ఆయా కథల పరిధి మేరకే అదంతా! ప్రభాస్‌ (Prabhas) కథానాయకుడిగా తెరకెక్కుతున్న ‘ప్రాజెక్ట్‌ కె’ (Project K) సినిమాని కూడా రెండు భాగాలుగా తీసుకొచ్చే అవకాశాలున్నట్టు సమాచారం. ఆ దిశగా చిత్రబృందం ఆలోచనలు చేస్తున్నట్టు తెలుస్తోంది. ఈ విషయంపై వారి నుంచి మాత్రం ఎలాంటి అధికారిక సమాచారం లేదు. ఎవరూ స్పృశించని కథతో.. అత్యాధునిక హంగులతో ఈ చిత్రాన్ని తెరకెక్కిస్తున్నారు దర్శకుడు నాగ్‌ అశ్విన్‌. వైజయంతీ మూవీస్‌ పతాకంపై సి.అశ్వినీదత్‌ నిర్మిస్తున్నారు. దీపికా పదుకోణె కథానాయిక. అమితాబ్‌ బచ్చన్‌ కీలక పాత్ర పోషిస్తున్నారు.