Sapthami Gowda: అంబరీష్‌ తనయుడితో ‘కాంతార’ నాయిక?

‘కాంతర’ (Kantara)...దేశం మొత్తాన్ని ఊపేసిన కన్నడ చిత్రం. కన్నడలో భారీ విజయం సాధించడమే కాదు ఇతర భాషల్లోకి అనువాదమై అక్కడా వసూళ్ల వర్షం కురిపించిందీ చిత్రం. ఈ చిత్రంలో నటించిన రిషబ్‌శెట్టితో పాటు నాయిక సప్తమి గౌడకు (Sapthami Gowda) కూడా మంచి పేరొచ్చింది. అంతకుముందు ఆమె పలు చిత్రాల్లో నటించినా కూడా ‘కాంతర’ విజయం తో ఆమెకు అవకాశాలు వరసకడుతున్నాయి. ఇప్పుడామె 90ల నాటి నేపథ్యంలో సాగే ఓ ప్రేమ కథలో నటించనున్నట్లు సమాచారం. ప్రముఖ నటుడు అంబరీష్‌ తనయుడు అభిషేక్‌ అంబరీష్‌ (Abishek Ambareesh) కథానాయకుడిగా ఎస్‌ కృష్ణ ‘కాళి’ (Kaali) అనే ఓ చిత్రాన్ని తెరకెక్కిస్తున్నారు. ఇందులో నాయికగా సప్తమిని ఎంపిక చేసినట్లు తెలుస్తోంది. ఈ నెలాఖరులోనే ఈ సినిమాని సెట్స్‌పైకి తీసుకెళ్లనున్నారు.