Kiara Advani: కియారా అడ్వాణీ, సిద్ధార్థ్‌ విడిపోయారా..?

స్టార్‌కపుల్‌ బ్రేకప్‌ అంటోన్న బీటౌన్‌

ముంబయి: ‘షేర్షా’తో బాలీవుడ్‌ సినీ ప్రియుల మదిదోచిన రీల్‌ కపుల్‌ సిద్ధార్థ్‌ మల్హోత్ర, కియారా అడ్వాణీ. వీరిద్దరూ ప్రేమలో ఉన్నారంటూ కొంతకాలంగా ప్రచారం సాగుతోన్న విషయం తెలిసిందే. ‘షేర్హా’ షూట్‌ సమయంలో వీరిద్దరూ ప్రేమలో పడ్డారని.. త్వరలోనే పెళ్లి చేసుకోవాలనుకుంటున్నారని అందరూ చెప్పుకొన్నారు. తరచూ వీరు డిన్నర్‌ డేట్స్‌, హాలీడే కోసం విదేశాలకు వెళ్లి రావడంతో ఈ వార్తలకు మరింత బలం చేకూరింది. దీంతో మీ పెళ్లి ఎప్పుడంటూ.. సోషల్‌మీడియాలో అభిమానులు అడుగుతున్నారు. ఇదిలా ఉండగా తాజా సమాచారం ప్రకారం ఈ జంట విడిపోయినట్లు తెలుస్తోంది. వ్యక్తిగత కారణాల వల్ల వీరిద్దరూ తమ బంధానికి బ్రేకప్‌ చెప్పుకొన్నారని, అందుకే ఎక్కడా కలిసి కనబడటం లేదని, ప్రస్తుతం ఎవరి పనుల్లో వాళ్లు బిజీగా ఉన్నారని బీటౌన్‌ కోడైకూస్తోంది. ఈ మేరకు పలు ఆంగ్ల పత్రికల్లో వార్తలు దర్శనమిస్తున్నాయి.