రాకేశ్‌ పెద్ద పెద్ద వాళ్లనే పంపించేశాడు: రోజా  

హైదరాబాద్‌: నటి రోజా, సింగర్‌ మనో న్యాయనిర్ణేతలుగా ఈటీవీలో ప్రసారమవుతోన్న కామెడీ షో ‘జబర్దస్త్‌’. అనసూయ వ్యాఖ్యాతగా ప్రసారమవుతోన్న ఈ కామెడీ షో తెలుగు ప్రేక్షకులను ఎంతగానో ఆకట్టుకుంటోంది. ఈ షోకి సంబంధించిన తాజా ప్రోమో ప్రేక్షకులను ఎంతగానో మెప్పిస్తోంది.

హైపర్‌ ఆది స్కిట్‌లో భాగంగా ‘జబర్దస్త్‌’ స్టేజ్‌పై సుధీర్‌ అండ్‌ టీమ్‌ సందడి చేయనున్నారు. ‘ఇంద్ర’ స్ఫూప్‌తో ఆది-సుధీర్‌ వేసిన వరుస పంచులతోపాటు స్నేహలతా రెడ్డిగా శాంతిస్వరూప్‌ ఆకట్టుకోనున్నారు. అదిరే అభి స్కిట్‌లో భాగంగా రాకేశ్‌ స్టేజ్‌పై వరుస పంచులతో నవ్వించనున్నారు. రాముకి రాకేశ్‌ పంచులు వేస్తున్న తరుణంలో.. రోజా అందుకుని.. ‘రాకేశ్‌... పెద్దపెద్ద వాళ్లనే పంపించేశాడు’ అని సరదాగా అన్నారు. చలాకీ చంటి, వెంకీ మంకీస్‌ స్కిటులు సైతం ఆకట్టుకోనున్నాయి. వచ్చే గురువారం (నవంబర్‌ 19) ప్రసారం కానున్న ‘జబర్దస్త్‌’ ప్రోమో చూసేయండి..!