jacqueline fernandez: ఓదార్పు అవసరం

తీవ్ర ఆర్థిక సమస్యలతో సతమతమవుతున్న శ్రీలంకకు ఆ దేశ మోడల్‌, బాలీవుడ్‌ సుందరి జాక్వెలిన్‌ ఫెర్నాండెజ్‌ తన మద్దతును తెలుపుతూ ఇన్‌స్టాలో ఓ పోస్టు చేసింది. ప్రస్తుతం లంక ప్రజలకు కావాల్సింది తీర్పులు కాదని కాస్త ఓదార్పు అవసరమని పేర్కొంది. తన దేశ ప్రజలకు సాంత్వన కలిగేలా పరిస్థితులు త్వరలోనే చక్కబడతాయని ఆశిస్తున్నట్లు  తెలిపింది. అనవసర వ్యాఖ్యానాలు చేసే బదులు 2 నిమిషాల పాటు చేసే ప్రార్థన వారు కష్టాలను ఎదుర్కొనేందుకు సాయపడుతుందని శ్రీలంక జెండాను ఉంచుతూ చేసిన పోస్టులో జాక్వెలిన్‌ అభిప్రాయపడింది. ఇటీవలే ‘అటాక్‌’తో ప్రేక్షకుల ముందుకు వచ్చిన జాక్వెలిన్‌ త్వరలోనే కిచ్చా సుదీప్‌తో కలసి ‘విక్రాంత్‌ రోణ’లో సందడి చేయనుంది.