Bollywood: జాన్వీ.. వరుణ్‌ల ‘బవాల్‌’

వరుణ్‌ధావన్‌, జాన్వీ కపూర్‌ జంటగా నటిస్తున్న ‘బవాల్‌’ సినిమా చిత్రీకరణ లఖ్‌నవూలో ఆదివారం ప్రారంభమయ్యింది. ‘దంగల్‌’, ‘చిచోరే’ చిత్రాలను అందించిన నితేష్‌ తివారీ దర్శకత్వం వహిస్తున్నారు. ‘షూటింగ్‌లో పాల్గొనడానికి అంతా ఆసక్తిగా ఎదురుచూస్తున్నాం. వరుణ్‌, జాన్వీల మధ్య ఉండే కెమిస్ట్రీ, నితేష్‌ తివారీ కథ చెప్పే విధానం ఈ సినిమాకు ప్రధాన బలం’ అని చిత్ర వర్గాలు వెల్లడించాయి. వచ్చే సంవత్సరం వేసవికి  ప్రేక్షకుల ముందుకు రానున్న ఈ చిత్రాన్ని సాజిద్‌ నడియద్‌వాలా నిర్మిస్తున్నారు. ప్రస్తుతం వరుణ్‌ ‘బవాల్‌’తో పాటు ‘జగ్‌ జగ్‌ జీయో’, ‘భేడియా’ చిత్రాల్లో నటిస్తున్నాడు. మరోవైపు జాన్వీ ‘గుడ్‌ లక్‌ జెర్రీ’, ‘మిలీ’, ‘మిస్టర్‌ అండ్‌ మిసెస్‌ మాహీ’ సినిమాలతో బిజీగా ఉంది.