ఈ సీన్లు ఎందుకు డిలీట్‌ చేశారయ్యా: పార్ట్‌2

ఇంటర్నెట్‌డెస్క్‌: నవీన్‌ పొలిశెట్టి, రాహుల్‌ రామకృష్ణ, ప్రియదర్శి కీలక పాత్రల్లో తెరకెక్కిన కామెడీ ఎంటర్‌టైనర్‌ ‘జాతిరత్నాలు’. ఫరియా అబ్దుల్లా కథానాయిక. అనుదీప్‌ దర్శకుడు. ఇటీవల ప్రేక్షకుల ముందుకు వచ్చిన ఈ చిత్రం బాక్సాఫీస్‌ వద్ద మంచి విజయాన్ని సొంతం చేసుకుంది. తెలుగు రాష్ట్రాల్లోనే కాకుండా ఓవర్సీస్‌లోనూ మంచి టాక్‌ వచ్చింది. నిడివి కారణంగా ‘జాతిరత్నాలు’ చిత్రంలోని కొన్ని సన్నివేశాలకు కత్తెర వేశారు. ‘ఈ సీన్లు ఎందుకు డిలీట్‌ చేశారయ్యా’ అంటూ చిత్ర నిర్మాణ సంస్థ స్వప్నమూవీస్‌ వాటిని అభిమానులతో పంచుకుంది. కాగా, పార్ట్‌2 అంటూ మరికొన్ని సన్నివేశాలను తాజాగా విడుదల చేశారు.ఆద్యంతం నవ్వులు పంచేలా ఉన్న ఆ సన్నివేశాలను మీరూ చూసేయండి.