‘ఈ సీన్లు ఎందుకు డిలీట్‌ చేశారయ్యా’

ఇంటర్నెట్‌డెస్క్‌: 2021 సంవత్సరంలో విడుదలైన చిత్రాల్లో బాక్సాఫీస్‌ వద్ద సందడి చేస్తున్న సినిమా ‘జాతి రత్నాలు’. నవీన్‌ పొలిశెట్టి, రాహుల్‌ రామకృష్ణ, ప్రియదర్శి కీలక పాత్రల్లో తెరకెక్కిన ఈ చిత్రానికి అనుదీప్‌ దర్శకత్వం వహించారు. తెలుగు రాష్ట్రాల్లోనే కాకుండా ఓవర్సీస్‌లోనూ మంచి టాక్‌ వచ్చింది. కథానాయిక ఫరియా సినిమాకు ప్రత్యేక ఆకర్షణగా నిలిచింది. నిడివి కారణంగా ‘జాతిరత్నాలు’ చిత్రంలోని కొన్ని సన్నివేశాలకు కత్తెర వేశారు. ‘ఈ సీన్లు ఎందుకు డిలీట్‌ చేశారయ్యా’ అంటూ చిత్ర నిర్మాణ సంస్థ స్వప్నమూవీస్‌ వాటిని అభిమానులతో పంచుకుంది. ఆద్యంతం నవ్వులు పంచేలా ఉన్న ఆ సన్నివేశాలను మీరూ చూసేయండి.