ఏప్రిల్‌ 11న ఓటీటీలోకి ‘జాతిరత్నాలు’

ఇంటర్నెట్‌ డెస్క్‌: పెద్దగా అంచనాల్లేకుండా వచ్చిన ‘జాతిరత్నాలు’ ప్రేక్షకులను విశేషంగా ఆకట్టుకుంది. శివరాత్రి కానుకగా మార్చి 11న థియేటర్లలో విడుదలైందీ చిత్రం. హౌస్‌ఫుల్‌ బోర్డులతో బాక్సాఫీస్‌ వద్ద భారీ కలెక్షన్లు రాబట్టింది. ఇప్పుడు డిజిటల్‌ వేదికపై సందడి చేసేందుకు సిద్ధమైంది. ప్రముఖ ఓటీటీ వేదిక అమెజాన్‌ ప్రైమ్‌లో ఏప్రిల్‌ 11 నుంచి ఈ చిత్రాన్ని వీక్షించవచ్చు. ఈ సినిమాలో నవీన్‌ పొలిశెట్టి, ప్రియదర్శి, రాహుల్‌ రామకృష్ణ ప్రధానపాత్రలు పోషించారు. అనుదీప్‌ దర్శకత్వంలో తెరెకెక్కించారు. ఫరియా అబ్దుల్లా హీరోయిన్‌గా సందడి చేసింది. మురళీశర్మ, తనికెళ్ల భరణి, బ్రహ్మానందం, వెన్నెల కిషోర్‌, బ్రహ్మాజీ, నరేశ్‌ కీలక పాత్రలు పోషించారు. రధన్‌ సంగీతం అందించారు.