Jaya Jaya Jaya Jaya Hey Review: రివ్యూ: జయ జయ జయ జయహే
Jaya Jaya Jaya Jaya Hey review: దర్శనా రాజేంద్రన్, బసిల్ జోసెఫ్ కీలక పాత్రల్లో నటించిన ‘జయ జయ జయ జయహే’సినిమా ఎలా ఉందంటే?
Jaya Jaya Jaya Jaya Hey review; చిత్రం: జయ జయ జయ జయహే; నటీనటులు: బసిల్ జోసెఫ్, దర్శనా రాజేంద్రన్, అజు వర్గీస్, అజీజ్, సీతల్ తదితరులు; సంగీతం: అంకిత్ మేనన్; సినిమాటోగ్రఫ్రీ: బబ్లూ ఐజు; ఎడిటింగ్: జాన్కుట్టీ; రచన: విపిన్ దాస్, నషీద్ మహ్మద్; నిర్మాత: లక్ష్మీ వారియర్, గణేష్ మేనన్; దర్శకత్వం: విపిన్ దాస్; స్ట్రీమింగ్ వేదిక: డిస్నీ+హాట్స్టార్
ఇటీవల కాలంలో కంటెంట్ ఉన్న సినిమాలకే థియేటర్లో ప్రేక్షకులు పట్టం కడుతున్నారు. స్టార్లు లేకపోయినా, మంచి కథ, కథనాలతో, రెండున్నర గంటల పాటు వినోదాన్ని పంచితే చాలు. ఆ సినిమాను నెత్తిన పెట్టుకుంటున్నారు. ఆ కోవలోకే వస్తుంది మలయాళ చిత్రం ‘జయ జయ జయ జయహే’ (Jaya Jaya Jaya Jaya Hey). కేవలం రూ.6కోట్లతో సినిమా తీస్తే, ప్రపంచవ్యాప్తంగా ఇప్పుడా సినిమా రూ.50కోట్లు (గ్రాస్) వసూలు చేసింది. తాజాగా ఓటీటీలోనూ విడుదలైన ఈ సినిమా తెలుగు ఆడియోతోనూ అందుబాటులో ఉంది. ఇంతకీ ఈ సినిమా కథేంటి? ఎలా ఉంది?
కథేంటంటే: జయభారతి(దర్శన రాజేంద్రన్) స్వతంత్ర భావాలు కలిగిన అమ్మాయి. ఇంటర్ పూర్తయి ఉన్నత చదువులు చదుకోవాలనుకుంటుంది. తర్జనభర్జనల తర్వాత కుటుంబాన్ని ఒప్పించి డిగ్రీలో చేరుతుంది. అయితే, అక్కడ జరిగిన ఒక సంఘటన కారణంగా చదువు ఆపేసి పెళ్లి చేసుకోవాల్సి వస్తుంది. పెళ్లయిన తర్వాత కూడా ఆపేసిన చదువును పూర్తి చేసి, ఉద్యోగం చేయాలన్నది ఆమె ఆశయం. అందుకు పెళ్లి చూపుల సమయంలో రాజేశ్ (బసిల్ జోసెఫ్) కూడా అంగీకరిస్తాడు. కానీ, పెళ్లయిన తర్వాత అతడిలోని పురుషాహంకారం మేల్కొంటుంది. పైగా చిన్న చిన్నవాటికి కోపం వచ్చేస్తుంది. ప్రతి విషయంలోనూ అతడిదే పైచేయిగా ఉండాలనుకుంటాడు. చీటికిమాటికి జయపై చేయి చేసుకుంటాడు. ఇదే విషయాన్ని జయ తన తల్లిదండ్రులతో చెబితే ‘సర్దుకుపో అమ్మా’ అని సముదాయించే ప్రయత్నం చేస్తారు. కోపం వచ్చినప్పుడల్లా కొడుతున్న రాజేశ్పై ఒకసారి జయ తిరగబడుతుంది. ఆమె చర్యకు రాజేశ్ కంగుతింటాడు. (Jaya Jaya Jaya Jaya Hey review) జయను చూసి భయపడిపోతుంటాడు. రాజేశ్ను జయ కొడుతున్న వీడియో కాస్తా వైరల్ అవుతుంది. అప్పుడు ఇటు రాజేశ్, అటు జయ ఎలాంటి నిర్ణయం తీసుకున్నారు? విడాకుల వరకూ వెళ్లిన ఈ జంట కథ ఏమైంది? తెలియాలంటే సినిమా చూడాల్సిందే!
ఎలా ఉందంటే: అమ్మాయి పుట్టిందంటే ఇప్పటికీ చాలా కుటుంబాల్లో ఒక చిన్నచూపు. చిన్నప్పటి నుంచే భయాన్ని నూరిపోస్తూ, కట్టుబాట్లతో పెంచుతారు. చిన్న చిన్న సరదాలకు సైతం అడ్డు చెబుతుంటారు. ఈ కథలో జయ పరిస్థితి కూడా అంతే. చిన్నప్పటి నుంచి ప్రతి విషయంలోనూ కుటుంబం నుంచి ఆమెకు ఏ మాత్రం సహకారం ఉండదు. అయినా కూడా కష్టపడి చదివి అన్నయ్య కంటే కూడా ఎక్కువ మార్కులతో ఉత్తీర్ణత సాధిస్తుంది. మధ్య తరగతి కుటుంబంలో ఆడపిల్లను ఎలా పెంచుతారో వాటన్నింటినీ దర్శకుడు విపిన్ దాస్ చాలా చక్కగా చూపించారు. ప్రతి సన్నివేశం మన పక్కింట్లో లేదా మన ఇంట్లో జరుగుతున్నట్లు దీన్నొక న్యూఏజ్ డ్రామాగా తీర్చిదిద్దారు. రాజేశ్తో జయకు వివాహం అయిన దగ్గరి నుంచి అసలు కథ మొదలవుతుంది. (Jaya Jaya Jaya Jaya Hey review) పెళ్లయిన కొత్తలో అత్తారింటికి వెళ్లిన అమ్మాయిలకు అక్కడ ఎదురయ్యే అనుభవాలను చక్కటి హాస్యం పంచుతూ చూపించారు. పెళ్లికి ముందు అన్నింటికీ సరేనన్న భర్త, ఆ తర్వాత ఏది అడిగినా ‘తర్వాత చూద్దాంలే’ అనే మాటతో ‘పెళ్లి చేసుకుని తప్పు చేశానా’ అన్న భావనతో సగటు అమ్మాయి పడే ఆవేదనతో కూడిన భావోద్వేగాలను జయ పాత్రతో తెరపై చూపిన విధానం మెప్పిస్తుంది. ఎప్పుడైతే జయ తిరగబడి రాజేశ్ను కొడుతుందో అప్పుడే అసలు కథ మొదలవుతుంది. భార్య భర్తల మధ్య సంధి కుదిర్చేందుకు వచ్చిన రాజేశ్ అన్నయ్యతో జయ మాట్లాడే తీరు ఆ పాత్ర ఔన్నత్యాన్ని చెబుతుంది. ఆరు నెలల్లో 21 సార్లు చేయి చేసుకున్న భర్త పదేళ్లలో ఎన్నిసార్లు కొడతాడు? అంటూ చిన్న లెక్క అడిగే జయకు సమాధానం చెప్పే పరిస్థితి అటు ఆమె తల్లిదండ్రులు, ఇటు అత్తింటి వారికి కూడా ఉండదు.
ద్వితీయార్ధంలో పాత్రల మధ్య జరిగే సంఘర్షణ, హస్యం బాగుంది. చివరిలో వచ్చే కోర్టు సన్నివేశాలు బాగుంటాయి. గృహహింస విషయంలో సమాజం ఆలోచన తీరును సంభాషణల ద్వారా చెప్పిన తీరు ఆలోచింపజేస్తుంది. భర్తను భార్య కొట్టిందంటే ఎంత అవమానం అని అడిగిన ప్రశ్నకు, అలాంటప్పుడు భార్యను కొట్టడం భర్తకు తప్పు అనిపించడం లేదా? అని జయ సమాధానం చెప్పడం ఆకట్టుకుంటుంది. క్లైమాక్స్ ట్విస్ట్ ఎవరూ ఊహించరు. కుటుంబమంతా కలిసి ఓటీటీలో ఒక చక్కటి సినిమా చూడాలంటే ‘జయ జయ జయ జయహే’ (Jaya Jaya Jaya Jaya Hey review) మంచి ఆప్షన్. సంసారంలో ఒక స్త్రీకి ఏమేం కావాలో తెలుసా? అని జడ్జి ప్రశ్నకు ‘అనుసరించడం, వంట చేయడం, అదృష్టం’ అని రాజేశ్.. ‘మర్యాద, భక్తి, పిల్లలు’ అని వాళ్ల అన్నయ్య.. ‘కరుణ, శాంతి’ అంటూ జయ మావయ్య చెప్పే సమాధానాలు వింటే చాలా కుటుంబాల్లో సగటు ఆడపిల్లల పట్ల వ్యవహరిస్తున్న తీరును దర్శకుడు ఎత్తి చూపిన విధానం సందేశాత్మకంగా ఉంది. సంసారంలో ఒక అమ్మాయికి ముఖ్యంగా ఉండాల్సిన మూడు విషయాలు ఏంటి? మీకూ తెలియదా? అయితే ‘జయ జయ జయ జయహే’ చూడండి.
ఎవరెలా చేశారంటే: ఈ సినిమాకు ప్రధానబలం జయభారతి పాత్ర పోషించిన దర్శనా రాజేంద్రన్. మధ్య తరగతి కుటుంబాల్లో ఉండే సగటు అమ్మాయిగా చాలా చక్కగా నటించింది. ఓర్పు అన్న పదానికి మహిళను ప్రతీకగా చెబుతారు. అయితే, పరిస్థితి చేయి దాటినప్పుడు తిరగబడే అపరశక్తిగా మారుతుంది. ఈ రెండు వేరియేషన్స్ను దర్శన చాలా చక్కగా పలికించింది. రాజేశ్ పాత్రలో బసిల్ జోసెఫ్ నటన సెటిల్డ్గా ఉంది. భార్య చేతిలో తన్నులు తిన్న భర్త పాత్రలో నవ్వులు పంచారు. మిగిలిన నటీనటులు తమ పాత్రలు తమ పరిధి మేరకు నటించారు. (Jaya Jaya Jaya Jaya Hey review) బబ్లూ సినిమాటోగ్రఫీ, జాన్ కుట్టి ఎడిటింగ్ బాగుంది. ఆరంభం, ద్వితీయార్ధంలో కథనం కాస్త నెమ్మదిగా సాగుతుంది. మహిళల పట్ల వివక్షను ఒక న్యూఏజ్ డ్రామాగా విపిన్ దాస్ చాలా చక్కగా తీశారు. ఊర మాస్ పాటలు, ఫైట్స్, అసభ్యత కలబోతగా ఉంటేనే సినిమాలు విజయాలు సాధిస్తాయన్న భ్రమను చాలా న్యూఏజ్ డ్రామాలు చెరిపేశాయి. అలాంటి వాటిలో మరో ఆణి ముత్యమే ‘జయ జయ జయ జయహే’.
బలాలు: 👍 దర్శకత్వం; 👍 దర్శనా రాజేంద్రన్, బసిల్ జోసెఫ్; 👍 పాత్రల మధ్య సునిశిత హాస్యం
బలహీనతలు: 👎 ద్వితీయార్ధంలో కొన్ని సన్నివేశాలు
చివరిగా: జయ జయ జయ జయహే.. ఓటీటీలో విజయహే
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
ఎన్నికల బరిలో ‘పొలిమేర’ నటి..
-
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
భారాస అధినేత కేసీఆర్ కాన్వాయ్లో ప్రమాదం
-
మూడోసారి అంతరిక్షంలోకి.. సిద్ధమవుతోన్న సునీతా విలియమ్స్
-
Sunetra Pawar: ఎన్నికల వేళ.. రూ.25 వేల కోట్ల స్కామ్ కేసులో సునేత్ర పవార్కు క్లీన్ చిట్