Jee Le Zaraa: ముద్దుగుమ్మల రాక ఆలస్యం

ముగ్గురు అందాల ముద్దుగుమ్మలు.. అందునా టాప్‌ హీరోయిన్లు.. ఒకే ఫ్రేమ్‌లో కనిపిస్తే.. అభిమానులకు కన్నుల పండగే కదా! సహజంగానే ఆ చిత్రంపై భారీ అంచనాలు, ఆసక్తి ఉంటాయి. ఫర్హాన్‌ అఖ్తర్‌ దర్శకత్వంలో.. ప్రియాంకా చోప్రా, కత్రినా కైఫ్‌, అలియా భట్‌లతో ఆ తరహాలో రాబోతున్న చిత్రమే ‘జీ.. లే జరా’. ఈ మల్టీస్టారర్‌ సినిమా షూటింగ్‌ ఆగస్టులో మొదలవుతుందని గతంలో ప్రకటించారు. కానీ ఇది మరింత ఆలస్యంగా 2023 జనవరిలో షూటింగ్‌ ప్రారంభమవుతుందని తాజాగా చిత్రవర్గాలు ప్రకటించాయి. ముగ్గురు కథానాయికల డేట్స్‌ సర్దుబాటు కాకపోవడం వల్లే ఈ జాప్యమని వివరించారు. ముగ్గురు అమ్మాయిలు సరదాగా చేసిన రోడ్‌ ట్రిప్‌లో ఎలాంటి పరిణామాలు చోటు చేసుకున్నాయి? ఆ ఊహించని మలుపులేంటి? అనే      నేపథ్యంతో కథ ఉంటుందని టాక్‌.