13 ఏళ్ల తర్వాత

ముంబయి: మలయాళంలో మంచి విజయం సాధించి అందరి దృష్టిని ఆకర్షించిన చిత్రం ‘అయ్యప్పన్‌ కోషియమ్‌’. పలుభాషల్లోకి ఈ చిత్రాన్ని రీమేక్‌ చేస్తున్నారు. ఈ సినిమా హిందీ రీమేక్‌ హక్కుల్ని ప్రముఖ కథానాయకుడు జాన్‌ అబ్రహం సొంతం చేసుకున్న విషయం తెలిసిందే. మాతృకలో పృథ్వీరాజ్, బిజు మీనన్‌ పోషించిన పాత్రల్ని హిందీలో ఎవరు చేస్తారనే విషయంలో ఆసక్తి ఉండేది. తాజాగా ఈ విషయంపై స్పష్టత వచ్చినట్టు తెలుస్తోంది. జాన్‌ అబ్రహం, అభిషేక్‌ బచ్చన్‌ ప్రధాన పాత్రలో ఈ హిందీ రీమేక్‌ పట్టాలెక్కబోతున్నట్టు సమాచారం. ఈ ఇద్దరి కలయికలో 13 ఏళ్ల క్రితం వచ్చిన ‘దోస్తానా’ మంచి విజయం సాధించింది.

ఇదీ చదవండి

భర్తతో విడిపోవడం బ్రేకప్‌లా ఉంది: శ్వేతాబసుప్రసాద్‌