Updated : 26 Oct 2021 09:05 IST

Satyameva Jayate 2: ‘సత్యమేవ జయతే2’.. హైవోల్టేజ్‌ యాక్షన్‌ హంగామా!

జాన్‌ అబ్రహం కథానాయకుడిగా తెరకెక్కి విజయం సాధించిన చిత్రం ‘సత్యమేవ జయతే’. ఇప్పుడు ఈ చిత్రానికి కొనసాగింపుగా ‘సత్యమేవ జయతే 2’ వస్తోన్న సంగతి తెలిసిందే. కొన్ని నెలలుగా విడుదల కోసం ఎదురుచూస్తున్న ఈ సినిమా ఎట్టకేలకు వచ్చే నెల 25న ప్రేక్షకుల ముందుకు రానుంది. ఈ విషయాన్ని జాన్‌ అబ్రహం ట్విటర్‌ ద్వారా వెల్లడించారు. తాజాగా  చిత్ర ట్రైలర్‌ను విడుదల చేశారు. మాస్‌ను ఆకట్టుకునేలా ప్రతి సన్నివేశాన్ని తీర్చిదిద్దినట్లు ట్రైలర్‌ చూస్తే అర్థమవుతోంది. ‘ఈ ప్రపంచం ఓ యుద్ధక్షేత్రం. మీ అన్నదమ్ములిద్దరూ కొట్టుకుంటే చూడాలని ప్రజలు ఎదురు చూస్తుంటారు. మీరిద్దరూ గొడవపడితే శత్రువు విజయం సాధిస్తాడు’ అంటూ చెబుతున్న సంభాషణలు ఆకట్టుకుంటన్నాయి. మరి సత్య, జై కలిసి కలిసి పోరాటం చేశారా? లేక వీరిద్దరూ ఒకరితో ఒకరు కలబడ్డారా? తెలియాలంటే సినిమా చూడాల్సిందే! అన్ని కార్యక్రమాలు పూర్తి చేసుకున్న ఈ సినిమా రెట్టింపు యాక్షన్‌, వినోదంతో నవంబరు 25న థియేటర్లకు రానుంది. మిలాప్‌ జవేరీ దర్శకత్వం వహించిన ఈ చిత్రంలో దివ్యా కోస్లా కూమార్‌ ఓ కీలక పాత్రలో నటించింది.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts