Joker 2: ‘జోకర్‌ 2’ షురూ

మూడేళ్ల కిందట ‘జోకర్‌’గా (Joker) ప్రపంచవ్యాప్తంగా ప్రేక్షకుల్ని అలరించాడు హాలీవుడ్‌ హీరో జోక్విన్‌ ఫోనిక్స్‌ (Joaquin Phoenix). బాక్సాఫీసు దగ్గర భారీ వసూళ్లు రాబట్టిన ఈ సినిమాకి సీక్వెన్స్‌గా వస్తోంది ‘జోకర్‌: ఫోలీ ఏ డీక్స్‌’. ఈ ప్రాజెక్టు ప్రకటించిన దగ్గర్నుంచీ అభిమానుల్లో ఆసక్తి పెరగడంతోపాటు.. చిత్రం టాక్‌ ఆఫ్‌ ది టౌన్‌గా మారింది. టాడ్‌ ఫిలిప్స్‌ దీనికి దర్శకుడు. ఆదివారం లాంఛనంగా షూటింగ్‌ మొదలైంది. ఈ సందర్భంగా కథానాయకుడి పాత్ర ఫస్ట్‌లుక్‌ని దర్శకుడు సామాజిక మాధ్యమాల్లో పంచుకున్నారు. ఇందులో జోకర్‌ వేషంలో ఉన్న జోక్విన్‌ తీక్షణంగా చూస్తూ కనిపిస్తున్నాడు. పాప్‌స్టార్‌ లేడీగాగా ఇందులో ఓ కీలక పాత్ర పోషిస్తోంది. అక్టోబరు4, 2024న ఈ సినిమా థియేటర్లలోకి వస్తోంది.