jyothika: జ్యోతిక 50వ చిత్రం ‘రక్తసంబంధం’ విడుదల ఎప్పుడంటే..

చెన్నై: కోలీవుడ్‌ ప్రముఖ నటి జ్యోతిక గతేడాది ‘పొన్‌మగళ్‌ వందాళ్‌’ చిత్రంతో వచ్చి ఆకట్టుకున్న సంగతి తెలిసిందే. అమెజాన్‌ ఓటీటీ వేదికగా విడుదలైన ఈ సినిమా అటు ప్రేక్షకులతో పాటు విమర్శకుల ప్రశంసలు పొందింది. తాజాగా జ్యోతిక తన 50వ చిత్రం ‘ఉడన్పిరప్పే’లో ధైర్యవంతురాలైన తంజావుర్‌ మహిళగా సందడి చేసేందుకు సిద్ధమైంది. ఇదే విషయాన్ని ఇన్‌స్టాగ్రామ్‌ వేదికగా తన అభిమానులతో పంచుకున్నారు. తెలుగులో ఈ చిత్రం ‘రక్త సంబంధం’ పేరుతో రానుంది. సూర్య 2డీ ఎంటర్‌టైన్మెంట్స్‌ ప్రొడక్షన్ హౌస్‌ నిర్మిస్తున్న ఈ సినిమాకి శర్వణన్‌ దర్శకత్వం వహిస్తున్నారు. అక్టోబర్‌ 14న ఈ చిత్రం అమెజాన్‌ ఓటీటీలో ప్రేక్షకుల ముందుకు వస్తుంది. సముద్రఖని, శశికూమార్‌ తదితరలు ముఖ్య పాత్రలు పోషిస్తున్నారు. జాతీయ పురస్కారం అందుకున్న సంగీత దర్శకుడు డి ఇమ్మాన్ ఈ చిత్రానికి స్వరాలు సమకూర్చారు.