Kaduva: రెండు పరిశ్రమల కలయికలో చిత్రాలొస్తాయి!

భవిష్యత్తులో నా సినిమాలన్నిటినీ తెలుగులో విడుదల చేయడానికి ప్రయత్నిస్తానన్నారు పృథ్వీరాజ్‌  సుకుమారన్‌(Prithviraj Sukumaran). ఆయన కథానాయకుడిగా షాజీకైలాస్‌ దర్శకత్వంలో తెర కెక్కిన చిత్రం ‘కడువా’(Kaduva). సంయుక్త మేనన్‌ (Samyuktha Menon) కథానాయిక. వివేక్‌ ఒబెరాయ్‌(Vivek Oberoi) ముఖ్యభూమిక పోషించారు. ఈ చిత్రాన్ని ఈ నెల 30న ప్రేక్షకుల ముందుకు తీసుకొస్తున్నారు. ఈ సందర్భంగా చిత్రబృందం హైదరాబాద్‌లో ప్రచార కార్యక్రమాల్ని నిర్వహించింది. పృథ్వీరాజ్‌ సుకుమారన్‌ మాట్లాడుతూ ‘‘నేను చేసిన సినిమాలు ఇక్కడ రీమేక్‌ అవుతుండడం ఆనందంగా ఉంది. ‘భీమ్లానాయక్‌’(Bheemla Nayak) తర్వాత ‘గాడ్‌ఫాదర్‌’ (God father) వస్తోంది. త్వరలోనే తెలుగు, మలయాళం పరిశ్రమల కలయికలో పెద్ద ప్రాజెక్ట్స్‌ రూపుదిద్దుకొంటాయనే నమ్మకం ఉంది. ‘కడువా’ తప్పకుండా  ప్రేక్షకుల్ని అలరిస్తుంద’’న్నారు. వివేక్‌ ఒబెరాయ్‌ మాట్లాడుతూ ‘‘ఇద్దరు బలమైన వ్యక్తుల మద్య ఓ బుల్‌ ఫైట్‌లా ఉంటుందీ చిత్రం. నా కెరీర్‌లో ఫోన్‌లోనే ఓకే చేసిన చిత్రం ‘లూసిఫర్‌’. ఈ కథని పృథ్వీరాజ్‌ ఫోన్‌లోనే చెప్పాడ’’న్నారు. ఈ కార్యక్రమంలో సంయుక్త మేనన్‌ పాల్గొన్నారు.