Kajal Aggarwal: వైభవంగా కాజల్‌ అగర్వాల్‌ సీమంతం

ఇంటర్నెట్‌ డెస్క్‌: ప్రముఖ నటి కాజల్‌ అగర్వాల్‌ మరికొన్ని నెలల్లో ఓ బిడ్డకు జన్మనివ్వబోతున్నారు. ఈ నేపథ్యంలో ఆమె కుటుంబ సభ్యులు సీమంతం వేడుక చేశారు. అతికొద్దిమంది బంధువులు, స్నేహితులు ఈ ఫంక్షన్‌కు హాజరయ్యారు. ఈ మధురమైన జ్ఞాపకాలను కాజల్‌ తన ఇన్‌స్టాగ్రామ్‌ ఖాతా (స్టోరీస్‌) ద్వారా అభిమానులతో పంచుకున్నారు. ఎరుపు రంగు చీరలో కాజల్‌, రెడ్‌ బ్లేజర్‌లో కనిపించారు. ప్రస్తుతం.. ఈ ఫొటోలు నెట్టింట అందరి దృష్టిని ఆకర్షిస్తున్నాయి. కాజల్‌.. వ్యాపారవేత్త గౌతమ్‌ కిచ్లు 2020లో వివాహబంధంతో ఒక్కటైన సంగతి తెలిసిందే. సినిమా విషయానికొస్తే.. దుల్కర్‌ సల్మాన్ సరసన కాజల్‌ నటించిన ‘హే సినామిక’ చిత్రం మార్చి 3న ప్రేక్షకుల ముందుకురానుంది. చిరంజీవితో కలిసి నటించిన ‘ఆచార్య’ ఏప్రిల్‌ 29న విడుదలకానుంది.