Breaking | Feedback | ePratibha | E-PAPER | Pratibha

Kalaavathi Song: మహేశ్‌ ‘కళావతి’ ఖాతాలో మరో రికార్డు...

సూపర్‌ స్టార్‌ మహేశ్‌ బాబు ‘సర్కారు వారి పాట’ సినిమా విడుదలకు ముందే రికార్డులను సొంతం చేసుకుంటుంది. తాజాగా ఈ సినిమాలోని ‘కళావతి’ సాంగ్‌ మరో రికార్డును సృష్టించింది.

Updated : 26 Apr 2022 13:23 IST

ఇంటర్నెట్‌ డెస్క్‌: సూపర్‌ స్టార్‌ మహేశ్‌ బాబు నటించిన ‘సర్కారు వారి పాట’ సినిమా.. విడుదలకు ముందే పలు రికార్డులను సొంతం చేసుకుంటోంది. ఈ సినిమాలోని ఫస్ట్‌ సింగిల్‌ ‘కళావతి’ సంగీత ప్రియులను విశేషంగా ఆకట్టుకుంటోంది. అత్యంత వేగంగా 100మిలియన్‌ వీక్షణలతో అరుదైన ఘనత సాధించిన ఈ పాట తాజాగా 150 మిలియన్‌ వ్యూస్‌తో మరో రికార్డును తన ఖాతాలో వేసుకొంది. విడుదలైన నాటి నుంచి యూట్యూబ్‌లో ట్రెండింగ్‌లు ఉన్న ఈ ‘కళావతి’ ఈ సంవత్సరంలోని పాటలన్నింటిలో మెలోడీ సాంగ్‌గా ముద్ర వేసుకొంది. ఇంటర్నెట్‌ సంచలనంగా మారిన ఈ పాటకు ఇప్పటి వరకు 1.9మిలియన్ల లైక్స్‌ వచ్చాయి. మహేశ్‌ బాబు సింపుల్‌ మూమెంట్స్‌తో క్లాసీలుక్స్‌తో అలరించిన ఈ పాట ఆడియో స్ట్రీమింగ్‌ వేదికలన్నింటిలో అగ్రస్థానంలో నిలిచింది. అనంత శ్రీరామ్‌ రాసిన లిరిక్స్‌కు సిద్‌ శ్రీరామ్‌ గొంతుకు సంగీతాభిమానులు ముగ్ధులయ్యారు.

ఈ సినిమా నుంచి తాజాగా విడుదల చేసిన పెన్నీ, టైటిల్‌ ట్రాక్‌లు కూడా మంచి ప్రేక్షకాదరణతో సంగీత ప్రియులను ఆకట్టుకుంటున్నాయి. త్వరలోనే ఈ సినిమాలోని మాస్‌ సాంగ్‌ను రిలీజ్‌ చేయాలని ఈ చిత్ర బృందం ప్లాన్‌ చేస్తోంది. పరశురామ్‌ దర్శకత్వంలో తెరకెక్కుతున్న ఈ సినిమాలో మహేశ్‌ సరసన కీర్తి సురేష్‌ నటిస్తోంది. మైత్రీ మూవీ మేకర్స్‌, జీఎమ్‌బీ ఎంటర్‌టైన్మెంట్స్‌,14 రీల్స్‌ బ్యానర్‌లపై నవీన్‌ యెర్నేని, వై.రవిశంకర్‌, రామ్‌ ఆచంట, గోపీచంద్‌ ఆచంటలు సంయుక్తంగా నిర్మిస్తున్నారు. తమన్‌ సంగీత సారథ్యం వహించిన ఈ సినిమా మే 12న ప్రపంచవ్యాప్తంగా ప్రేక్షకుల ముందుకు రానుంది.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.