Feedback | E-PAPER | Pratibha

Kalaavathi: మహేశ్‌ బాబు ‘కళావతి’.. తమిళం, హిందీ వెర్షన్‌ విన్నారా..!

‘కళావతి’.. ప్రస్తుతం నెట్టింట సందడి చేస్తున్న గీతమిది. విడుదలైన అనతికాలంలో 60 మిలియన్లకుపైగా వీక్షణలు సొంతం చేసుకున్న పాట ఇది. ‘సర్కారు వారి పాట’ సినిమాలోని ఈ సాంగ్‌ తెలుగువారినే కాదు తమిళ, హిందీ శ్రోతల్ని విశేషంగా అలరించింది.

Published : 08 Mar 2022 13:55 IST

ఇంటర్నెట్‌ డెస్క్‌: ‘కళావతి’.. ప్రస్తుతం నెట్టింట సందడి చేస్తున్న గీతమిది. విడుదలైన అనతికాలంలో 60 మిలియన్లకుపైగా వీక్షణలు సొంతం చేసుకుని రికార్డు సృష్టించిన పాట ఇది. ‘సర్కారు వారి పాట’ సినిమాలోని ఈ సాంగ్‌ తెలుగువారినే కాదు తమిళ, హిందీ శ్రోతల్ని విశేషంగా అలరించింది. భాష అర్థమవకపోయినా కొందరు ఈ గీతాన్ని ఆస్వాదించారు. మరికొందరు ఇదే ట్యూన్‌కు తమ మాతృభాషలో సాహిత్యం అందించి, తమదైన శైలిలో ఆలపించారు. సంబంధిత వీడియోను సోషల్‌ మీడియాలో పోస్ట్‌ చేశారు. ఈ పాటకు స్వరాలు సమకూర్చిన తమన్‌ మెప్పు పొందారు. ఒరిజినల్‌ పాటకు దీటుగా రూపొందిన ఈ ఫ్యాన్‌మేడ్‌ వెర్షన్లు అందరి దృష్టిని ఆకర్షిస్తున్నాయి.

మహేశ్‌ బాబు హీరోగా పరశురామ్‌ తెరకెక్కిస్తున్న చిత్రమే ‘సర్కారు వారి పాట’. ఈ ఆసక్తికర యాక్షన్‌- కామెడీ చిత్రంలో మహేశ్‌ మునుపెన్నడూ కనిపించని లుక్‌లో దర్శనమివ్వబోతున్నారు. ఆయన సరసన కీర్తి సురేశ్‌.. కళావతిగా సందడి చేయనుంది. ఈ పాత్రనుద్దేశించి అనంత శ్రీరామ్‌ రాసిన ‘కళావతి’ గీతాన్ని సిధ్‌ శ్రీరామ్‌ పాడారు. మైత్రీ మూవీ మేకర్స్‌, జీఎంబీ ఎంటర్‌టైన్‌మెంట్‌, 14 రీల్స్‌ ప్లస్‌ సంస్థలు సంయుక్తంగా నిర్మిస్తున్న ఈ చిత్రం మే 12న ప్రేక్షకుల ముందుకురానుంది.

► Read latest Movies News and Telugu News

► Follow us on Facebook, Twitter, Instagram & Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.