Bimbisara: ‘బింబిసార’ రాజసం

కల్యాణ్‌రామ్‌ కథానాయకుడిగా ఎన్టీఆర్‌ ఆర్ట్స్‌ పతాకంపై తెరకెక్కుతున్న చిత్రం ‘బింబిసార’. కేథరిన్‌, సంయుక్తా మేనన్‌ కథానాయికలు. వశిష్ఠ్‌ దర్శకత్వం వహిస్తున్నారు. హరికృష్ణ.కె నిర్మాత. చిత్రీకరణని పూర్తి చేసుకున్న ఈ సినిమా ప్రస్తుతం నిర్మాణానాంతర కార్యక్రమాల్ని జరుపుకొంటోంది. ఆగస్ట్‌ 5న విడుదల చేయాలని నిర్ణయించారు. ఎన్టీఆర్‌ శతజయంతిని పురస్కరించుకుని శనివారం ఈ చిత్రంలోని లుక్‌ని విడుదల చేశారు. అందులో కల్యాణ్‌రామ్‌ రాజసం ఉట్టిపడేలా కనిపిస్తున్నారు. ‘‘కల్యాణ్‌రామ్‌ రెండు విభిన్నమైన కోణాల్లో సాగే పాత్రలో కనిపిస్తారు. మగధరాజు బింబిసారుడిగా ఆయన నటన గుర్తుండిపోతుంది. మరో పాత్రలో స్టైలిష్‌గానూ సందడి చేస్తారు. విజువల్‌ ఎఫెక్ట్స్‌ హంగులతో, అత్యున్నత సాంకేతిక విలువలతో ఈ చిత్రం రూపొందుతోంద’’ని సినీ వర్గాలు తెలిపాయి.  ఛాయాగ్రహణం: ఛోటా కె.నాయుడు, సంగీతం: చిరంతన్‌ భట్‌, నేపథ్య సంగీతం: ఎం.ఎం.కీరవాణి.