Vikram: కమల్‌ అభిమానులకు చరణ్‌ సర్‌ప్రైజ్‌.. ‘విక్రమ్‌’ తెలుగు ట్రైలర్‌ అదరహో

ఇంటర్నెట్‌ డెస్క్‌: కమల్‌హాసన్‌ అభిమానులకు రామ్‌చరణ్‌ సర్‌ప్రైజ్‌ ఇచ్చారు. ‘విక్రమ్‌’ సినిమా తెలుగు ట్రైలర్‌ను ఆయన సోషల్‌ మీడియా వేదికగా విడుదల చేశారు. చిత్ర బృందానికి శుభాకాంక్షలు తెలిపారు. ఇప్పటికే విడుదలైన తమిళం, హిందీ ట్రైలర్లకు ప్రేక్షకుల నుంచి మంచి స్పందన లభించింది. ఇప్పుడా జాబితాలోకి ఈ ప్రచార చిత్రమూ చేరనుంది. కమల్‌ నటించిన గత చిత్రాలకు మించిన అంచనాలు ‘విక్రమ్‌’పై పెరుగుతున్నాయి. విజయ్‌సేతుపతి, ఫహద్‌ ఫాజిల్‌ కీలక పాత్రలు, సూర్య అతిథి పాత్ర పోషించడంతో అందరిలోనూ ఆసక్తి నెలకొంది. ఈ సినిమాకు ‘ఖైదీ’, ‘మాస్టర్‌’ ఫేం లోకేష్‌ కనగరాజ్‌ దర్శకత్వం వహించారు. ఈ యాక్షన్‌ థ్రిల్లర్‌కు అనిరుధ్‌ స్వరాలందించారు. ఈ సినిమా జూన్‌ 3న విడుదలకానుంది. తెలుగులో ఈ చిత్రాన్ని నటుడు నితిన్‌ సొంత బ్యానర్‌ శ్రేష్ఠ్‌ మూవీస్‌ రిలీజ్‌ చేయనుంది.