Kangana Ranuat: వ్యాఖ్యాతగా కంగన!

బాలీవుడ్‌ ఫైర్‌బ్రాండ్‌ కథానాయిక కంగనా రనౌత్‌ డిజిటల్‌ ఎంట్రీ ఇవ్వనున్నట్లు తెలుస్తోంది. ప్రముఖ బాలీవుడ్‌ నిర్మాత ఏక్తా కపూర్‌ నిర్మించనున్న ఓ రియాల్టీ షో కోసం  కంగనాను సంప్రదించారట. ‘‘చాలా  సాహసంతో కూడిన రియాల్టీ షో ఇది. అందుకే దీని కోసం తన స్నేహితురాలు  కంగనాను ఎంచుకున్నారు ఏక్తా. ఈ షోకు కంగనా వ్యాఖ్యాతగా వ్యవహరించనున్నారు. ఇది ఓటీటీ వేదికల్లో ప్రసారం కానుంది’’అని ఏక్తా సన్నిహిత వర్గాలు చెప్పినట్టు సమాచారం. ఇప్పటివరకూ నాయికగా సత్తా చాటుతున్న కంగన డిజిటల్‌ వేదికపై ఎలాంటి సందడి చేస్తుందో అని అందరూ ఆసక్తిగా ఎదురుచూస్తున్నారు.