Major: ‘మేజర్‌’.. హృదయాన్ని మీటే అమ్మ పాట.. ఫుల్‌ వీడియో

ఇంటర్నెట్‌ డెస్క్‌: 26/11 ముంబయి ఉగ్రదాడుల సంఘటన, ఆ పోరులో అమరవీరుడైన మేజర్‌ సందీప్‌ ఉన్నికృష్ణన్‌ గురించి చాలామందికి తెలుసు. ఆయనెలా జీవించారో కొందరికే తెలుసు. ఆ వీర జవాను జీవితం ప్రతి భారతీయుడికీ తెలియాలనే ఉద్దేశంతో రూపొందిన చిత్రమే ‘మేజర్‌’ (Major). అడివి శేష్‌ (Adivi Sesh) టైటిల్‌ పాత్ర పోషించిన ఈ సినిమా ఇటీవల విడుదలై, ప్రేక్షకుల్లో స్ఫూర్తినింపుతోంది. ఈ సినిమాకు వస్తున్న స్పందనకు కానుకగా చిత్ర బృందం ‘కన్నా కన్నా’ అనే ఫుల్‌ వీడియో గీతాన్ని విడుదల చేసింది. సందీప్‌ ఉన్నికృష్ణన్‌ (Sandeep UnniKrishnan) బాల్యం నుంచి ఆయన సైన్యంలో చేరేందుకు బయలుదేరే సన్నివేశాలు ఈ వీడియోలో కనిపించాయి. సందీప్‌ తల్లిగా రేవతి, తండ్రిగా ప్రకాశ్‌రాజ్‌ ఒదిగిపోయారు. రామజోగయ్య శాస్త్రి రచించిన ఈ అమ్మ పాటను చిత్ర ఆలపించారు. శ్రీచరణ్‌ పాకాల స్వరాలందించారు.