Kareena Kapoor: ఆర్టీవో గారూ.. ఇప్పుడు ఎక్కడ ఉన్నారు?

కరీనా-సైఫ్‌ల డేట్‌.. నెటిజన్ల ట్రోలింగ్‌

ముంబయి: బాలీవుడ్‌ స్టార్‌కపుల్‌ సైఫ్‌ అలీఖాన్‌ (Saif Ali Khna) , కరీనాకపూర్‌ (Kareena Kapoor).. నెటిజన్ల నుంచి ట్రోలింగ్‌ ఎదుర్కొంటున్నారు. ఇటీవల ఈ జంట ముంబయి వీధుల్లో కాసేపు సరదాగా డ్రైవింగ్‌కు వెళ్లింది. అయితే, వీరిద్దరూ సీటు బెల్ట్‌ ధరించలేదు. దీనికి సంబంధించిన ఓ వీడియో నెట్టింట్లో వైరల్‌గా మారింది. అది చూసిన నెటిజన్లు.. ‘‘సీటు బెల్ట్‌ పెట్టుకోకుండా డ్రైవింగ్‌ చేస్తూ.. సభ్య సమాజానికి ఏం మెస్సేజ్‌లు ఇస్తున్నారు?’’, ‘‘ఆర్టీవో గారూ.. ఇప్పుడు ఎక్కడ ఉన్నారు?’’, ‘‘సామాన్యులకు జరిమానాలు విధించే అధికారులు.. మరి, ఈ జంటకు ఫైన్‌ వేయరా?’’ అంటూ వరుస కామెంట్లు చేస్తున్నారు. ఇక సినిమాల విషయానికి వస్తే.. ప్రభాస్‌ కథానాయకుడిగా నటిస్తున్న ‘ఆదిపురుష్‌’లో (Adipurush) సైఫ్ కీలకపాత్రలో కనిపించనున్నారు. ప్రభాస్‌ రాముడిగా కనిపించనున్న ఈ సినిమాలో సైఫ్‌ లంకేశుడిగా ప్రతినాయకుడి పాత్ర పోషించారు.