రివ్యూ: సుల్తాన్
కార్తి కథానాయకుడిగా నటించిన ‘సుల్తాన్’ సినిమా ఎలా ఉందంటే?
చిత్రం: సుల్తాన్, నటీనటులు: కార్తి, రష్మిక, నెపోలియన్, లాల్, యోగిబాబు తదితరులు; సంగీతం: వివేక్ మర్విన్, యువన్ శంకర్ రాజా(నేపథ్య); సినిమాటోగ్రఫీ: సత్యన్ సూర్యన్; ఎడిటింగ్: రూబెన్; నిర్మాత: ఎస్.ఆర్. ప్రకాశ్బాబు, ఎస్.ఆర్.ప్రభు; రచన, దర్శకత్వం: భాగ్యరాజ్ కణ్ణన్; బ్యానర్: డ్రీమ్ వారియర్స్ పిక్చర్స్; విడుదల: 02-04-2021
వైవిధ్యభరిత చిత్రాలతో ప్రేక్షకుల్ని మెప్పిస్తూ తమిళంతో పాటు దీటుగా తెలుగులోనూ క్రేజ్ సంపాదించుకున్న కథానాయకుడు కార్తి. ఆ మధ్య వరుస పరాజయాలతో కాస్త డీలా పడినా.. చినబాబు, ఖైదీ, దొంగ వంటి హిట్లతో తిరిగి హిట్ ట్రాక్ ఎక్కారు. ఇప్పుడా విజయపరంపరను ‘సుల్తాన్’తో కొనసాగించేందుకు సిద్ధమయ్యారు. కౌరవుల పక్షాన నిలిచే కృష్ణుడి కథ అంటూ టీజర్, ట్రైలర్లతోనే ప్రేక్షకుల్లో అంచనాలు పెంచేశారు. మరి ఈ విభిన్నమైన కథ ప్రేక్షకులకు ఎలాంటి అనుభూతిని పంచింది? సుల్తాన్గా కార్తి సందడి సినీ ప్రియుల్ని మెప్పించిందా?
కథేంటంటే: విక్రమ్ అలియాస్ సుల్తాన్ (కార్తి) ఓ రోబోటిక్ ఇంజినీర్. ముంబయిలో చదువు పూర్తి చేసుకున్న అతను.. జపాన్ వెళ్లి సొంతంగా ఓ రోబోటిక్ కంపెనీ పెట్టాలనుకుంటాడు. ఇదే విషయాన్ని తండ్రికి చెప్పి వెళ్లాలని సొంతూరు విశాఖపట్నం వస్తాడు. సుల్తాన్ తండ్రి సేతుపతి (నెపోలియన్) విశాఖలో పేరు మోసిన రౌడీ నాయకుడు. ఆయన దగ్గర 100మంది కౌరవ సైన్యం ఉంటుంది. అవసరాన్ని బట్టీ సుపారీలు తీసుకొని మర్డర్లు చేయడం వారి పని. సుల్తాన్కి ఈ రౌడీయిజాలు, రక్తపాతాలు ఏమాత్రం నచ్చవు. అందుకే సేతుపతి తన బిడ్డని వీటన్నింటికీ దూరంగా పెంచుతాడు. కానీ, అనుకోని పరిస్థితుల్లో తండ్రిని పోగొట్టుకోవడంతో ఆ కౌరవ సైన్యాన్ని జాగ్రత్తగా కాపాడుకోవాల్సిన బాధ్యత సుల్తాన్పై పడుతుంది. అయితే అతని ముందు మూడు సవాళ్లు ఉంటాయి. ఓవైపు తన కౌరవ సైన్యాన్ని రౌడీయిజానికి దూరంగా ఉండేలా చూసుకుంటూనే.. వెలగపూడిలో అరాచకాలు సృష్టిస్తున్న జయేంద్ర (రామచంద్రరాజు) నుంచి ఆ గ్రామ ప్రజల్ని కాపాడి, అక్కడి భూముల్ని వారికి తిరిగి ఇప్పించడం. మూడోది రుక్మిణి (రష్మిక) ప్రేమను దక్కించుకోవడం. మరి ఈ మూడు లక్ష్యాలు సాధించడానికి సుల్తాన్ చేసిన పనులేమిటి? ఈ క్రమంలో అతనికెదురైన సవాళ్లేంటి? ఆఖరికి తను అనుకున్నది సాధించాడా? లేదా? అన్నది మిగతా కథ.
ఎలా ఉందంటే: కార్తి ప్రీరిలీజ్ వేడుకలు.. ఇంటర్వ్యూల్లో చెప్పినట్లు ఇది పూర్తి మాస్ మసాలా ఎంటర్టైనర్. భారతంలో కృష్ణుడు కౌరవుల పక్షాన నిలిస్తే ఎలా ఉంటుంది? అన్న ఆలోచనను స్ఫూర్తిగా తీసుకొని దర్శకుడు భాగ్యరాజ్ ఈ కథ అల్లుకున్నారు. ఓవైపు 100 మంది కౌరవ సైన్యం.. ఆ సైన్యానికి కృష్ణుడిలా అండగా నిలిచే ఓ హీరో.. మరోవైపు ఆ కృష్ణుడికి, ఆ రాక్షస సైన్యానికి సవాల్ విసిరే మరో రావణ సైన్యం.. వీటి మధ్య ఓ అందమైన ప్రేమకథ. పైకి ఓ కథలా అనిపిస్తున్నా.. ఒకదానితో ముడిపడి మరికొన్ని ఉపకథలు కనిపిస్తుంటాయి. ఇది వినడానికి కథ ఎంత కొత్తగా ఉందో.. అందులోని సంక్లిష్టత అంతే ఆకర్షణీయంగా కనిపిస్తుంటుంది. ఇలాంటి కథల్ని తెరపై చక్కగా ఆవిష్కరించగలగడం ఏ దర్శకుడికైనా సవాలే. దీన్ని దర్శకుడు భాగ్యరాజ్ ప్రధమార్ధంలో చక్కగానే డీల్ చేశారు. ఆరంభంలో సుల్తాన్ బాల్యం.. తండ్రి సేతుపతి కౌరవ సైన్యం శక్తిసామర్థ్యాలు.. ఆ సైన్యంతో కార్తికున్న అనుబంధాలను చూపిస్తూ.. సినిమాకు చక్కగా ప్రారంభించారు. తర్వాత తండ్రి మరణం.. ఈ క్రమంలో ఆయనకిచ్చిన మాట కోసం ఆ రౌడీ సైన్యానికి సుల్తాన్ నాయకత్వం వహించాల్సి రావడం.. మరోవైపు విశాఖ ఎస్పీ నుంచి తన సైన్యాన్ని కాపాడుకోవడం కోసం అతను వేసే ఎత్తులతో కథను చకచకా పరుగులు పెట్టించారు. ఇక కథ అమరావతికి షిఫ్ట్ అయ్యాక.. కథలో ప్రేమ కోణంతో పాటు మరో ఆసక్తికర పోరును బయటకి తీశారు దర్శకుడు. కార్తి ఓవైపు తన కౌరవ సైన్యాన్ని కత్తిపట్టకుండా జాగ్రత్తగా చూసుకుంటూనే.. రష్మికతో ప్రేమను పట్టాలెక్కించేందుకు నానా తంటాలు పడుతుంటాడు. మరోవైపు ఆ కౌరవ సైన్యం కార్తికి తెలియకుండా రామచంద్రరాజును మట్టుబెట్టే ప్రణాళిక రచిస్తుంటారు. ఈ క్రమంలో వచ్చే సన్నివేశాలన్నీ రసవత్తరంగా సాగుతుంటాయి. ఇక మధ్య మధ్యలో కార్తికి, కింగ్కాంగ్ (యోగిబాబు)కి మధ్య వచ్చే సన్నివేశాలు ప్రేక్షకులకు కాస్తంత వినోదాన్ని పంచుతుంటాయి. సరిగ్గా విరామ సమయానికి కార్తి.. రామచంద్రరాజుతో తలపడాల్సి రావడం.. ఈ క్రమంలో జరిగే ఓ శక్తిమంతమైన యాక్షన్ హంగామాతో ప్రధమార్ధానికి ఊపునిచ్చే ముగింపునిచ్చారు.
నిజానికి ప్రధమార్ధంలో కార్తి.. రామచంద్రకు చెక్ చెప్పడంతోనే ఈ కథలో ఓ అంకానికి ముగింపు పడినట్లే అనుకుంటారు. కానీ, అక్కడ కథ మరో మలుపు తీసుకుంటుంది. అతని వెనకున్న మరో పెద్ద రావణుడితో కార్తి తలపడాల్సి వస్తుంది. మరోవైపు తన ప్రేమ కోసం, తన కౌరవ సైన్యాన్ని కాపాడుకోవడం, వెలగపూడి గ్రామ భూముల్ని కాపాడుకోవడం కోసం వ్యవసాయం చేయాల్సి రావడం.. ఈ క్రమంలో తనకెదురయ్యే సవాళ్లతో ద్వితీయార్ధం కాస్త గందరగోళంగా సాగుతున్నట్లు అనిపిస్తుంటుంది. నిజానికి దర్శకుడు ఒకేసారి ఇన్ని అంశాలపై దృష్టి పెట్టే క్రమంలో అసలు కథనాన్ని పూర్తిగా పక్కదారి పట్టించాడనిపిస్తుంది. కాసేపు ప్రేమ సన్నివేశాలు.. మరికాసేపు ప్రతినాయకుడితో సవాళ్లు విసరడం.. ఇంకాసేపు తన సైన్యాన్ని కాపాడుకునేందుకు చేసే ప్రయత్నాలతో.. కథను భారంగా కదులుతున్నట్లు అనిపిస్తుంది. ఇది ఆఖరికి ముగింపుపై ప్రభావం చూపించింది. ఇక క్లైమాక్స్ లో వచ్చే యాక్షన్ ఎపిసోడ్ ఆకట్టుకునేలా ఉన్నా.. దాన్ని ముగించిన తీరు ప్రేక్షకులకు సంతృప్తిని అందించదు.
ఎవరెలా చేశారంటే: కార్తి సుల్తాన్ పాత్రలో ఎంతో చక్కగా ఒదిగిపోయారు. సినిమా ఆద్యంతం ఓ చక్కటి ఎనర్జీని చూపించారు. ముఖ్యంగా యాక్షన్ సన్నివేశాల్లో ఆయనలోని హీరోయిజం మరోస్థాయిలో ఉంటుంది. రష్మిక పల్లెటూరి అమ్మాయి రుక్మిణి పాత్రలో అందం, అభినయాలతో ఆకట్టుకుంది. అయితే కార్తికి, ఆమెకి మధ్య కెమిస్ర్టీని ఆకట్టుకునేలా ఆవిష్కరించడంలో దర్శకుడు తడబడ్డారు. ఆయన ఎంచుకున్న కథ ఆసక్తికరంగా ఉన్నా.. దాన్ని రసవత్తరంగా ముందుకు నడిపించడంలో విఫలమయ్యారు. ముఖ్యంగా చాలా సన్నివేశాల్లో తమిళ వాసన కనిపిస్తుంటుంది. అయితే ఆయన యాక్షన్ సన్నివేశాలను తీర్చిదిద్దిన విధానం మాస్ ప్రేక్షకులను విపరీతంగా మెప్పిస్తుంది. రూబెన్ ఎడిటింగ్ పరంగా మరింత జాగ్రత్త తీసుకోవాల్సింది. డ్రామా కోసం అనవసరమైన ఎపిసోడ్లు చాలా పేర్చుకుంటూ పోయారు. వాటిని కత్తిరించి ఉంటే.. ప్రేక్షకులకు కాస్త ఉపశమనం దక్కేది. వివేక్ మెర్విన్ పాటలు వినసొంపుగానే ఉన్నా.. పెద్దగా గుర్తుపెట్టుకునేలా ఉండవు. యువన్ శంకర్ రాజా బ్యాగ్రౌండ్ స్కోర్ చిత్రానికి ప్రధాన ఆకర్షణ నిలిచింది. సత్యన్ సూర్యన్ ఛాయాగ్రహణం ఆకట్టుకునేలా ఉంది. డ్రీం వారియర్ పిక్చర్స్ నిర్మాణ విలువలు ఉన్నతంగా ఉన్నాయి.
బలాలు | బలహీనతలు |
+ కథ | - సినిమా నిడివి |
+ కార్తి నటన | - ద్వితీయార్ధం, క్లైమాక్స్ |
+ ప్రధమార్ధం, యాక్షన్ సన్నివేశాలు |
చివరిగా: మాస్ ప్రేక్షకులను మెప్పించే సుల్తాన్
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే?
తాజా వార్తలు (Latest News)
-
నేను తిన్నది మూడు మామిడి పండ్లే: కేజ్రీవాల్
-
4 రోజుల నష్టాలకు బ్రేక్.. 599 పాయింట్లు లాభపడిన సెన్సెక్స్
-
భారాస అధినేత కేసీఆర్ బస్సు యాత్ర షెడ్యూల్ ఖరారు
-
మెటా ప్లాట్ఫామ్స్లో ఏఐ.. వాట్సప్లో ఇక చిత్రాలూ రూపొందించొచ్చు!
-
స్కూల్లో ఫేషియల్ చేయించుకున్న ప్రిన్సిపల్.. వీడియో తీసిన ఉపాధ్యాయురాలిపై దాడి
-
‘సివిల్స్’ టాపర్లకు వచ్చిన మార్కులెన్నో తెలుసా? UPSC పరీక్షల మార్కుల షీట్లు విడుదల