Karthikeya: చిత్రీకరణలో ఎనిమిదో చిత్రం

యు.వి.క్రియేషన్స్‌ నిర్మాణంలో కార్తికేయ కథానాయకుడిగా  ఓ చిత్రం తెరకెక్కుతోంది. ఐశ్వర్య మేనన్‌ కథా నాయిక. ప్రశాంత్‌రెడ్డి దర్శకత్వం వహిస్తున్నారు. చిత్రీకరణ దశలో ఉన్న ఈ సినిమా వివరాల్ని శుక్రవారం తెలిపాయి చిత్రవర్గాలు. కార్తికేయ నటిస్తున్న 8వ సినిమా ఇది. మధు శ్రీనివాస్‌ మాటలు సమకూరుస్తున్నారు. సత్య.జి ఎడిటర్‌ కాగా, ఆర్‌.డి.రాజశేఖర్‌ కెమెరా బాధ్యతల్ని నిర్వర్తిస్తున్నారు. తనికెళ్ల భరణి, రవిశంకర్‌, శరత్‌ లోహితస్వ తదితరులు నటిస్తున్న  ఈ సినిమాకి సంబంధించి మరిన్ని వివరాల్ని త్వరలోనే ప్రకటించనున్నట్టు తెలిపింది చిత్రబృందం.