Published : 09 Dec 2021 17:17 IST

Katrina-Vicky: 75% పెళ్లి ఖర్చు కత్రినానే భరించిందట!

ఇంటర్నెట్‌ డెస్క్‌: బాలీవుడ్‌ ప్రేమ జంట కత్రినా కైఫ్‌-విక్కీ కౌశల్‌ వివాహవేడుక.. రాజస్థాన్‌లోని సిక్స్‌ సెన్సెస్‌ ఫోర్ట్‌లో ఘనంగా జరుగుతోంది. కుటుంబసభ్యులు, కొద్దిమంది అతిథుల సమక్షంలో వారిద్దరు వివాహంబంధంలోకి అడుగుపెడుతున్నారు. కాగా.. వివాహవేడుక ఖర్చుకు సంబంధించి ఓ వార్త నెట్టింట్లో చక్కర్లు కొడుతోంది. అదేంటంటే.. వివాహావేడుక కోసం చేసిన ఖర్చులో 75శాతం కత్రినా కైఫే భరించిందట. 

పెళ్లి వేదికగా నిలిచిన సిక్స్‌ సెన్సెస్‌ ఫోర్ట్‌కు కత్రినా-విక్కీ రూపాయి కూడా చెల్లించలేదు. ఫోర్ట్‌ యాజమాన్యం వీరికి ఉచితంగా విడిది ఏర్పాటు చేసినట్లు సమాచారం. కరోనా సంక్షోభం నుంచి పర్యాటక రంగం తేరుకుంటున్న నేపథ్యంలో తమ ఫోర్ట్‌కు ప్రచారం లభిస్తుందన్న ఉద్దేశంతో పెళ్లి వేదికకు యాజమాన్యం డబ్బులు తీసుకోలేదట. అయితే.. అతిథుల ప్రయాణాలు, భద్రత ఏర్పాట్లు, భోజనం తదితర మిగతా ఆతిథి మర్యాదలపై చేసిన ఖర్చులకు 75శాతం కత్రినానే చెల్లించినట్లు తెలుస్తోంది. గతంలో ఓ ఇంటర్వ్యూలో కత్రినా కైఫ్‌ తన వివాహ వేడుకను పెద్ద కోటలో జరుపుకోవాలని ఆశపడుతున్నట్లు పేర్కొన్నారు. ఆ విధంగానే ఇప్పుడు రాజస్థాన్‌లోని సిక్స్‌ సెన్సెస్‌ ఫోర్ట్‌లో వివాహం చేసుకుంటున్నారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని