Keerthy Suresh: ‘గాంధారి’గా రాబోతున్న కీర్తి సురేశ్‌!

ఇంటర్నెట్‌ డెస్క్‌: గ్లామరస్‌ పాత్రలతో పాటు మహిళా ప్రాధాన్యత ఉన్న చిత్రాల్లో నటిస్తూ తనకంటూ ప్రత్యేక గుర్తింపు తెచ్చుకుంటోంది కీర్తి సురేశ్‌.  ప్రస్తుతం ఆమె చేతుల్లో చాలా ప్రాజెక్టులున్నాయి. మెగాస్టార్‌ చిరంజీవి చిత్రం ‘భోళా శంకర్‌’లో ఆయనకు చెల్లెలిగా నటిస్తోంది. ‘దసరా’ చిత్రంలో నానికి జోడిగా రెండోసారి కనిపించబోతుంది. మలయాళంలోనూ ఓ చిత్రంలో నటిస్తోంది. తాజాగా కీర్తి.. ‘గాంధారి’ అనే ఒక మ్యూజిక్‌ వీడియో ఆల్బమ్‌లోనూ నర్తించింది. ఈ ఆల్బమ్‌ను ఫిబ్రవరి 21న విడుదల చేయనున్నట్లు తాజాగా ఆమె ట్విటర్‌ వేదికగా వెల్లడించింది. దాంతోపాటు ‘గాంధారి’ మ్యూజిక్‌ ఆల్బమ్‌కు సంబంధించిన పోస్టర్‌ను విడుదల చేసింది. ఇందులో కీర్తి.. చేతికి గోరింటాకుతో, సంప్రదాయ దుస్తుల్లో అందంగా కనిపిస్తోంది. 

ఈ మ్యూజిక్‌ వీడియో ఆల్బమ్‌ను దీ రూట్‌, సోనీ మ్యూజిక్‌ సౌత్‌ సంయుక్తంగా నిర్మించాయి. ‘లవ్‌స్టోరీ’ సంగీత దర్శకుడు పవన్‌ సీహెచ్‌ దీనికి సంగీతం అందించారు. బృందా మాస్టర్‌ నృత్యాలు సమకూర్చారు.