Ravi Teja: తొలి వేటకు టైగర్‌

‘టైగర్‌ నాగేశ్వరరావు’గా (Tiger Nageswara Rao) అలరించేందుకు సెట్స్‌పై శరవేగంగా ముస్తాబవుతున్నారు రవితేజ (Raviteja). ఆయన టైటిల్‌ పాత్రలో నటిస్తున్న ఈ చిత్రాన్ని వంశీ తెరకెక్కిస్తున్నారు. అభిషేక్‌ అగర్వాల్‌ నిర్మిస్తున్నారు. నూపుర్‌ సనన్‌, గాయత్రి భరద్వాజ్‌ కథానాయికలు. రేణు దేశాయ్‌ కీలక పాత్రలో నటిస్తోంది. ప్రస్తుతం చిత్రీకరణ దశలో ఉన్న ఈ సినిమా.. తాజాగా ఓ కీలక షెడ్యూల్‌ పూర్తి చేసుకుంది. ఇందులో భాగంగా రవితేజపై ఓ భారీ పోరాటఘట్టాన్ని చిత్రీకరించినట్లు చిత్ర బృందం సామాజిక మాధ్యమాల ద్వారా వెల్లడించింది. త్వరలో ‘టైగర్‌ ఫస్ట్‌ హంట్‌’ పేరుతో తొలి ప్రచార చిత్రాన్ని విడుదల చేయనున్నట్లు ప్రకటించింది. 1970 స్టువర్ట్‌పురం నేపథ్యంలో సాగే చిత్రమిది. ఆ కాలంలో పేరు మోసిన ఓ గజదొంగ జీవితకథతో దీన్ని రూపొందిస్తున్నారు. ఈ చిత్రానికి సంగీతం: జి.వి.ప్రకాష్‌ కుమార్‌, ఛాయాగ్రహణం: ఆర్‌.మది.