khiladi: సినిమా రిలీజ్‌కు ముందే భారీ కానుక పొందిన డైరెక్టర్‌

హైదరాబాద్‌: సినిమా విడుదలై.. ప్రేక్షకుల్లో మంచి టాక్‌.. బాక్సాఫీస్‌ వద్ద భారీ కలెక్షన్స్‌ ఉంటే.. ఆ చిత్ర దర్శకుడికి హీరో లేదా నిర్మాత బహుమతులిస్తుండటం సర్వసాధారణంగా చూస్తుంటాం. కానీ సినిమా విడుదల కాకముందే దర్శకుడికి రూ.కోటి విలువ చేసే భారీ కానుక ఇచ్చారు ఓ ప్రొడ్యూసర్‌. దీంతో ఇప్పుడు ఈ సినిమా గురించే నెటిజన్లు మాట్లాడుకుంటున్నారు. ఇంతకీ భారీ బహుమతి పొందిన ఆ డైరెక్టర్‌ ఎవరంటే.. రమేశ్‌ వర్మ.

‘రాక్షసుడు’తో డైరెక్టర్‌గా మంచి హిట్‌ని సొంతం చేసుకున్న రమేశ్‌ వర్మ ప్రస్తుతం ‘ఖిలాడి’ తెరకెక్కిస్తున్నారు. మాస్‌ మహారాజ్‌ రవితేజ హీరోగా ఈ సినిమా సిద్ధమవుతోంది. క్రైమ్‌, సస్పెన్స్‌ థ్రిల్లర్‌గా రూపుదిద్దుకుంటున్న ఈ చిత్రం త్వరలో ప్రేక్షకుల ముందుకు రానుంది. ఈ నేపథ్యంలో దర్శకుడు రమేశ్‌ వర్మకు చిత్ర నిర్మాత కొనేరు సత్యనారాయణ రూ.1.15 కోట్ల విలువ చేసే రేంజ్‌ రోవర్‌ కారుని బహుమతిగా అందించారు. ప్రస్తుతం ఈ ఫొటో నెట్టింట్లో వైరల్‌గా మారింది. ‘‘సినిమా విడుదల కాకముందే నిర్మాతకు ఇంత భారీ కానుక ఇచ్చారంటే.. సినిమా సూపర్‌గా వచ్చి ఉంటుంది’’ అని అభిమానులు అంటున్నారు. మరోవైపు ఫిబ్రవరి 11న ‘ఖిలాడి’ విడుదల కానున్న సంగతి తెలిసిందే.