Kushi Kapoor: తొలి చిత్రం కోసం..

అందాల నటి శ్రీదేవి చిన్న కూతురు ఖుషీ కపూర్‌ తెరంగేట్రం కోసం సినీప్రియులు ఆసక్తిగా ఎదురు చూస్తున్నారు. ఆమె అమితాబ్‌ బచ్చన్‌ మనవడు అగస్త్య నందతో కలిసి డ్యాన్స్‌ రిహార్సల్స్‌ చేస్తున్న వీడియో ఇటీవల బయటకొచ్చింది. అప్పటి నుంచి ఖుషీ.. అతనితో సినిమా చేయనుందనే ఊహాగానాలు మరింత ఎక్కువయ్యాయి. తాజాగా ఖుషీ తండ్రి, నిర్మాత బోనీ కపూర్‌ ఓ ఆసక్తికర విషయాన్ని పంచుకున్నారు. ‘‘ఖుషీ కపూర్‌ ఏప్రిల్‌ నుంచి తన తొలి సినిమా చిత్రీకరణలో పాల్గొంటుందని’’ ఓ జాతీయ మీడియాకి ఇచ్చిన ఇంటర్వ్యూలో పేర్కొన్నారు. అయితే ఆ ప్రాజెక్ట్‌కు సంబంధించిన ఇంకే వివరాలు తాను చెప్పలేనన్నారు. మరి అందరూ అనుకున్నట్లు ఖుషీ, అగస్త్యల కాంబినేషన్‌లో సినిమా రానుందా? లేదా? అన్నది తేలాలంటే ఇంకొన్నాళ్లు వేచి చూడక తప్పదు.