RC 15: న్యూజిలాండ్‌లో బర్గర్‌ పార్టీ

న్యూజిలాండ్‌లో సరదాగా పార్టీ చేసుకున్నారు రామ్‌చరణ్‌ (Ram Charan), కియారా అడ్వాణీ (Kiara Advani). పెద్ద పెద్ద బర్గర్‌లు తింటూ ఖుషీ చేసుకున్నారు. ఆనందంగా ఆ ఫొటోలను అభిమానులతో పంచుకుంది కియారా. ఈ ఇద్దరూ జంటగా ప్రముఖ దర్శకుడు శంకర్‌ దర్శకత్వంలో ఓ చిత్రం తెరకెక్కుతోంది. ప్రస్తుతం ఈ సినిమా చిత్రీకరణ న్యూజిలాండ్‌లో జరుగుతోంది. తాజాగా అక్కడో పాటను తెరకెక్కిస్తున్నారు. పాట గ్యాప్‌లో ఇలా బర్గర్‌లతో పార్టీ చేసుకుంది చిత్రబృందం. పొలిటికల్‌ థ్రిల్లర్‌గా రూపొందుతున్న ఈ సినిమా చిత్రీకరణ త్వరలోనే పూర్తికానున్నట్లు తెలుస్తోంది. ‘వినయ విధేయ రామ’ చిత్రం తర్వాత చరణ్‌- కియారా కలయికలో రానున్న రెండో చిత్రమిది.