Koffee With Karan: అర్జున్‌ కపూర్‌ బలహీనత బయటపెట్టిన సోనమ్‌!

ఇంటర్నెట్‌ డెస్క్‌: అర్జున్‌ కపూర్‌ (Arjun Kapoor) చాలా సెన్సిటివ్‌ అని, చిత్ర పరిశ్రమలో అలా ఉంటే కష్టమని సోనమ్‌ కపూర్‌ (Sonam Kapoor) అన్నారు. ‘కాఫీ విత్‌ కరణ్‌ సీజన్‌ 7’ (Koffee With Karan S7)లో ఈ ఇద్దరు తారలు సందడి చేశారు. హోస్ట్‌ కరణ్‌ జోహార్‌ అడిగిన ప్రశ్నలకు సమాధానాలు చెప్తూ అలరించారు. ‘కజిన్స్‌ రోస్ట్‌’ అనే రౌండ్‌లో అర్జున్‌, సోనమ్‌ ఒకరి గురించి మరొకరు కొన్ని ఆసక్తికర విశేషాలు పంచుకున్నారు. ఆ క్రమంలోనే.. ‘అర్జున్‌ సెన్సిటివ్‌గా ఉంటాడు. అది మెచ్చుకోవాల్సిన విషయం. కానీ, ఇండస్ట్ట్రీలో అలా ఉంటే కష్టం’ అని సోనమ్‌ పేర్కొన్నారు. ‘ప్రతి ఒక్కరినీ, ప్రతి విషయాన్ని తేలికగా నమ్ముతుంది’ అని సోనమ్‌ గురించి అర్జున్‌ చెప్పారు. మలైకా అరోరా ఫోన్‌ నంబరును ‘మలైకా’ అని సేవ్‌ చేసుకున్నట్టు అర్జున్‌ మరో రౌండ్‌లో వివరించారు. వరుణ్‌ ధావన్‌కి సెల్ఫీలు దిగటం ఇష్టమని, హాలీడే ట్రిప్‌నూ ఆయన ప్రచారం చేసుకుంటారని అర్జున్‌ అన్నారు. ఈ షోకు సంబంధి వీడియోలు ప్రస్తుతం నెట్టింట అందరి దృష్టిని ఆకర్షిస్తున్నాయి.