Konda Trailer: ఆకట్టుకునేలా ఆర్జీవీ‘కొండా’ ట్రైలర్‌

హైదరాబాద్‌: ‘విపరీత పరిస్థితుల నుంచే విపరీత వ్యక్తులు పుట్టుకొస్తారని 180 సంవత్సరాల క్రితం కార్ల్‌మార్క్స్‌ చెప్పినట్లు, సమాజంలో ఏర్పడిన విపరీత పరిస్థితుల మధ్య పుట్టిన వ్యక్తి కొండా మురళీ’ అని అంటున్నారు దర్శకుడు రాంగోపాల్‌ వర్మ. కొండా మురళీ-సురేఖ దంపతుల జీవితాన్ని ఆధారంగా చేసుకొని తెరకెక్కిన యాక్షన్‌, ఫ్యాక్షన్‌ ఎంటర్‌టైనర్‌ ‘కొండా’. రాంగోపాల్‌ వర్మ దర్శకత్వం వహించిన ఈ సినిమా ట్రైలర్‌ను తాజాగా చిత్రబృందం విడుదల చేసింది. త్రిగన్‌, ఐరా మోర్‌, పృథ్వీరాజ్‌ ప్రధాన పాత్రల్లో నటించిన ఈ సినిమా ట్రైలర్‌ ఆద్యంతం ఆకట్టుకునేలా సాగింది. ‘‘సమాజం గురించి నీతులు చెప్పుడు కాదు. బాగు చేయాలి. నీకు పోయేది ఏం లేదు. బానిస సంకెళ్లు తప్ప’’ అంటూ రాంగోపాల్‌ వర్మ స్వరంతో ప్రారంభమైన ఈ ట్రైలర్‌లోని ప్రతి సీన్‌లో త్రిగన్‌ నటన మెప్పించేలా సాగింది.  ‘నా నిర్ణయాలకు నేనే బాధ్యుడిని కాబట్టి నా మాటే నేను వింటా’, ‘నా పేరు కొండా మురళీ.. ఏం మురళీ’ అంటూ త్రిగన్‌ చెప్పే డైలాగ్‌లు ఆకట్టుకునేలా ఉన్నాయి.