Brahmaji: ‘హై’ అంటే హిందీ అయిపోతుందా.. బ్రహ్మాజీ పంచ్‌!

మాట చివర హై అంటే హిందీ అయిపోతుందా? హిందీని మడత పెట్టి లుంగీలో చుట్టాం ఇక్కడ’ అని తనకు హిందీపై ఎంత పట్టుందో చెప్పుకొచ్చారు బ్రహ్మాజీ.

Published : 26 Sep 2022 02:08 IST

ఇంటర్నెట్‌ డెస్క్‌: ‘మాట చివర హై అంటే హిందీ అయిపోతుందా? హిందీని మడత పెట్టి లుంగీలో చుట్టాం ఇక్కడ’ అని తనకు హిందీపై ఎంత పట్టుందో చెప్పుకొచ్చారు బ్రహ్మాజీ (Brahmaji). ‘కృష్ణ వ్రింద విహారి’ (Krishna Vrinda Vihari) సినిమాలోని సంభాషణ ఇది. నాగశౌర్య (Naga Shaurya) హీరోగా తెరకెక్కిన ఈ చిత్రం ఇటీవల విడుదలై, ప్రేక్షకుల మెప్పు పొందుతోంది. ఈ సందర్భంగా చిత్ర బృందం ‘హిలేరియస్‌ బ్లాక్‌బ్లస్టర్‌ ప్రోమో-1’ పేరుతో ఓ కామెడీ సన్నివేశాన్ని విడుదల చేసింది. ఇందులో.. సంబంధం కలుపుకొనేందుకు వచ్చిన ఓ ఫ్యామిలీతో హీరో నాగశౌర్య తెలుగు పదాల చివర ‘హై’ను జతచేసి మాట్లాడతాడు. అప్పుడు.. పక్కనే ఉన్న బ్రహ్మాజీ పంచ్‌ విసురుతారు.

బ్రాహ్మణ కుర్రాడు తాను పనిచేసే ఐటీ కంపెనీ మేనేజరును ప్రేమించటం, ఓ సమస్య కారణంగా ఆ మేనేజరు పెళ్లికి నిరాకరించటం, ఇంట్లో అబద్ధం చెప్పి చిరరకు వివాహం చేసుకోవటం.. తదితర అంశాలతో రూపొందిన సినిమా ఇది. కృష్ణాచారిగా నాగశౌర్య, మేనేజరు వ్రిందగా షిర్లే సేతియా మెప్పించారు. ఈ రొమాంటిక్‌ కామెడీ చిత్రానికి అనిష్‌ ఆర్‌. కృష్ణ దర్శకత్వం వహించారు. రాధికా శరత్‌కుమార్‌, అన్నపూర్ణ తదితరులు కీలక పాత్రల్లో సందడి చేశారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts